بد گماں کیا قبر میں ارماں ترے لے جائیں گے

بد گماں کیا قبر میں ارماں ترے لے جائیں گے

ہم اکیلے آئے ہیں جیسے اکیلے جائیں گے

کس قدر ثابت قدم ہیں رہ روان کوئے دوست

جائیں گے پھر ان کی کوئی جان لے لے جائیں گے

حضرت دل اور پھر جائیں نہ اس کی بزم میں

جھڑکیاں دے لے کوئی الزام دے لے جائیں گے

تم ستا لو مجھ کو لیکن یوں نہ ہر اک سے ملو

ظلم سہہ لوں گا مگر صدمے نہ جھیلے جائیں گے

اس گلی میں ڈال دو تا سنبھلیں ٹھوکر کھا کے غیر

یوں بھی اک دن خاک میں آنکھوں کے ڈھیلے جائیں گے

ہے دعاؤں کا اثر سنگ حوادث ہی اگر

اپنے ہاتھوں پھر تو یہ صدمے نہ جھیلے جائیں گے

خیر خواہوں راز داروں کی بہت نیت دیکھ لی

آج سے ہم اس کی محفل میں اکیلے جائیں گے

بے کسی میں کون کس کا ساتھ دیتا ہے صفیؔ

ملنے والے ہیں تماشے کے یہ میلے جائیں گے

bad guman kya qabr mein arman tire le jaenge

ham akele ae hain jaise akele jaenge

kis qadar sabit qadam hain rah rawan-e-ku-e-dost

jaenge phir un ki koi jan le le jaenge

hazrat-e-dil aur phir jaen na us ki bazm mein

jhirkiyan de le koi ilzam de le jaenge

tum sata lo mujh ko lekin yun na har ik se milo

zulm sah lunga magar sadme na jhele jaenge

us gali mein dal do ta sambhalen thokar kha ke ghair

yun bhi ik din khak mein ankhon ke dhile jaenge

hai duaon ka asar sang-e-hawadis hi agar

apne hathon phir to ye sadme na jhele jaenge

khair khwahon raz daron ki bahut niyyat dekh li

aj se ham us ki mahfil mein akele jaenge

be kisi mein kaun kis ka sath deta hai safi

milne wale hain tamashe ke ye mele jaenge