غریبوں کی صدا

غریبوں کی فاقہ کشوں کی صدا ہے

مرے جا رہے ہیں

امیروں کے عیشوں کا انبار سر پر

لدے ہیں زمانے کے افکار سر پر

زمیندار کاندھے پہ سرکار سر پر

مرے جا رہے ہیں

شرابوں کے رسیا امیروں کا کیا ہے

ہنسے جا رہے ہیں

غریبوں کی محنت کی دولت چرا کر

غریبوں کی راحت کی دنیا مٹا کر

محل اپنے غارت گری سے سجا کر

ہنسے جا رہے ہیں

غریبوں نے سمبندہ مل کر کیا ہے

خوشی بڑھ گئی ہے کہ غم بڑھ رہے ہیں

نگاہوں سے آگے قدم بڑھ رہے ہیں

سنبھلنا امیرو کہ ہم بڑھ رہے ہیں

بڑھے جا رہے ہیں

gharibon ki faqa kashon ki sada hai

mire ja rahe hain

amiron ke aishon ka ambar sar par

lade hain zamane ke afkar sar par

zamindar kandhe pe sarkar sar par

mire ja rahe hain

sharabon ke rasiya amiron ka kya hai

hanse ja rahe hain

gharibon ki mehnat ki daulat chura kar

gharibon ki rahat ki duniya mita kar

mahal apne gharat giri se saja kar

hanse ja rahe hain

gharibon ne sambanda mil kar kya hai

khushi barh gai hai ke gham barh rahe hain

nigahon se age qadam barh rahe hain

sambhalna amiro ke ham barh rahe hain

barhe ja rahe hain