آخر کو راہ عشق میں ہم سر کے بل گئے

آخر کو راہ عشق میں ہم سر کے بل گئے

مشکل میں ہاتھ پاؤں ہمارے نکل گئے

کس کس کو یاد کر کے کوئی روئے اے فلک

آنکھوں کے آگے لاکھ زمانے بدل گئے

عشاق لکھنؤ کی کشش دیکھ اے مسیح

لندن کے خوب رو بھی فرنگی محل گئے

اپنا سراغ پوچھتے پھرتے ہیں موت سے

آفت زدوں کے ہجر میں نقشے بدل گئے

بدلو ردیف اور پڑھو شعر اے منیرؔ

کیا فائدہ جو اس کے قوافی بدل گئے

akhir ko rah-e-ishq mein ham sar ke bal gae

mushkil mein hath paon hamare nikal gae

kis kis ko yad kar ke koi roe ai falak

ankhon ke age lakh zamane badal gae

ushshaq lakhnau ki kashish dekh ai masih

landan ke khub ru bhi farangi mahal gae

apna suragh puchhte phirte hain maut se

afat zadon ke hijr mein naqshe badal gae

badlo radif aur parho sher ai munir

kya faida jo us ke quufi badal gae