غزل میرؔ کی کب پڑھائی نہیں

کہ حالت مجھے غش کی آئی نہیں

زباں سے ہماری ہے صیاد خوش

ہمیں اب امید رہائی نہیں

کتابت گئی کب کہ اس شوخ نے

بنا اس کی گڈی اڑائی نہیں

نسیم آئی میرے قفس میں عبث

گلستاں سے دو پھول لائی نہیں

مری دل لگی اس کے رو سے ہی ہے

گل تر سے کچھ آشنائی نہیں

نوشتے کی خوبی لکھی کب گئی

کتابت بھی ایک اب تک آئی نہیں

جدا رہتے برسوں ہوئے کیونکہ یہ

کنایہ نہیں بے ادائی نہیں

گلہ ہجر کا سن کے کہنے لگا

ہمارے تمہارے جدائی نہیں

سیہ طالعی میری ظاہر ہے اب

نہیں شب کہ اس سے لڑائی نہیں

ke halat mujhe ghash ki ai nahin

zaban se hamari hai sayyad khush

hamen ab ummid-e-rihai nahin

kitabat gai kab ke us shokh ne

bana us ki guddi urai nahin

nasim ai mere qafas mein abas

gulistan se do phul lai nahin

miri dil lagi us ke ro se hi hai

gul-e-tar se kuchh ashnai nahin

naushite ki khubi likhi kab gai

kitabat bhi ek ab tak ai nahin

juda rahte barson hue kyunke ye

kinaya nahin be adai nahin

gila hijr ka sun ke kahne laga

hamare tumhare judai nahin

siyah talii meri zahir hai ab

nahin shab ke us se larai nahin