غفلت میں سویا اب تلک پھر ہووے گا ہشیار کب

غفلت میں سویا اب تلک پھر ہووے گا ہشیار کب

یاری لگایا خلق سوں پاوے گا اپنا یار کب

جھوٹی محبت باندھ کر غافل رہا اپنے سوں حیف

بلبل ہوں سنپڑا دام میں دیکھے گا پھر گل زار کب

یہ خواب و خور فرزند و زن اور مال و زر زنداں ہوا

تو چھوٹ کر اس قید سوں حاصل کرے دیدار کب

حرص و ہوا بغض و حسد کبر و منی بخل و جہل

اس رہ زنان سوں باچ کر ہووے گا بر خوردار کب

اس نفس کافر کیش کی خصلت تجھے معلوم نہیں

گر قتل کیتا نہیں اسے تجھ کو ملے دل دار کب

بن پیر پہونچا نہیں کبھی کوئی ساحل مقصود کو

ملاح بن کشتی کہیں ہوتی ہے دریا پار کب

برحق علیمؔ اللہ کہا رب قول یہدی من یشاء

جنت کے طالب کو کہو آوے نظر دیدار کب

ghaflat mein soya ab talak phir howe ga hushyar kab

yari lagaya khalq sun pawega apna yar kab

jhuti mohabbat bandh kar ghafil raha apne sun haif

bulbul hun sunpara dam mein dekhega phir gul zar kab

ye khwab-o-khur farzand-o-zan aur mal-o-zar zindan hua

tu chhut kar is qaid sun hasil kare didar kab

hirs-o-hawa bughz-o-hasad kibr-o-mani bukhl-o-jahl

is rah zanan sun bach kar howe ga bar khurdar kab

is nafas kafir kesh ki khaslat tujhe maalum nahin

gar qatl kita nahin use tujh ko mile dil dar kab

ban pir pahuncha nahin kabhi koi sahil maqsud ko

mallah ban kashti kahin hoti hai dariya par kab

barhaq alim allah kaha rab qaul yedi man yasha

jannat ke talib ko kaho awe nazar didar kab