غفلت عجب ہے ہم کو دم جس کا مارتے ہیں

غفلت عجب ہے ہم کو دم جس کا مارتے ہیں

موجود ہے نظر میں جس کو پکارتے ہیں

ہم آئینہ ہیں حق کے حق آئینہ ہے اپنا

مستی میں اپنی ہر دم دم حق کا مارتے ہیں

ہم اپنے آپ طالب مطلوب آپ ہم ہیں

اس کھیل میں ہمیشہ ہم خود کو ہارتے ہیں

جنت کی ہم کو خواہش دوزخ کا ڈر نہیں ہے

بے اصل مفت واعظ ہم کو ابھارتے ہیں

ظاہر ہے حق کا جلوہ گر آنکھ ہو تو دیکھے

مرکزؔ خدا کو عالم بھولے پکارتے ہیں

ghaflat ajab hai ham ko dam jis ka marte hain

maujud hai nazar mein jis ko pukarte hain

ham aina hain haq ke haq aina hai apna

masti main apni har dam dam haq ka marte hain

ham apne ap talib matlub ap ham hain

is khel mein hamesha ham khud ko harte hain

jannat ki ham ko khwahish dozakh ka dar nahin hai

be asl muft waiz ham ko ubharte hain

zahir hai haq ka jalwa gar ankh ho to dekhe

markaz khuda ko alam bhule pukarte hain