غفلت میں فرق اپنی تجھ بن کبھو نہ آیا

غفلت میں فرق اپنی تجھ بن کبھو نہ آیا

ہم آپ کے نہ آئے جب تک کہ تو نہ آیا

ساقی نے جام مے تو شب پے بہ پے دیا پر

نیت بھری نہ اپنی جب تک سبو نہ آیا

کوتاہ ہے نہایت دست دعا ہمارا

دامن اثر کا جا کر اک بار چھو نہ آیا

عاشق کو تیرے کل سے تھی جاں کنی کی حالت

سب دیکھنے کو آئے اللہ تو نہ آیا

پھونکا بھی طور و وادی بعض اے خلیقؔ لیکن

اپنی شرارتوں سے وہ شعلہ خو نہ آیا

ghaflat mein farq apni tujh bin kabhu na aya

ham ap ke na ae jab tak ke tu na aya

saqi ne jam-e-mai to shab pe ba pe diya par

niyyat bhari na apni jab tak subu na aya

kotah hai nihayat dast-e-dua hamara

daman asar ka ja kar ik bar chhu na aya

ashiq ko tere kal se thi jan kini ki halat

sab dekhne ko ae allah to na aya

phunka bhi tur-o-wadi baaz ai khaliq lekin

apni shararaton se wo shola khu na aya