عشق کی کوئی اگر سیکھ لے گر مجھ سے تمیز

عشق کی کوئی اگر سیکھ لے گر مجھ سے تمیز

دین دنیا میں ہوا اپنے پرایوں کو عزیز

یا ہو شاگرد مرا یا مجھے تلمیذ کرے

ورنہ اس کوچۂ عشاق سے کر جاوے گریز

مکتب عشق سے نا خواندہ اٹھا جو محروم

دونو عالم میں وہ کچھ چیز نہیں ہے ناچیز

مرد کیوں کر کہوں بے عشق جو ہووے کوئی

فرقہ عشاق میں اس کے تئیں کہتے ہیں کنیز

میں نے استاد ازل سے یہی سیکھا تھا سبق

آفریدیؔ نہ کبھی یار کی چھوڑوں دہلیز

ishq ki koi agar sikh le gar mujh se tamiz

din-e-duniya mein hua apne parayon ko aziz

ya ho shagird mira ya mujhe talmiz kare

warna us kucha-e-ushshaq se kar jawe gurez

maktab-e-ishq se na khwanda utha jo mahrum

dauno alam mein wo kuchh chiz nahin hai nachiz

mard kyun kar kahun be ishq jo howe koi

firqa ushshaq mein us ke tain kahte hain kaniz

main ne ustad-e-azal se yahi sikha tha sabaq

afridi na kabhi yar ki chhorun dahliz