عشق میں زور عمر بھر مارا

عشق میں زور عمر بھر مارا

عاقبت کوہ کن نے سر مارا

نالۂ دل نے خوشنوائی میں

طعنۂ صوت ہزار پر مارا

زخم پنہاں دل و جگر میں نہیں

نہ کھلا کیا ادھر ادھر مارا

مجھ کو گھڑیالیوں نے ہجر کی رات

بے بجاے ہوئے گجر مارا

دہنے بائیں ملک ہیں دیکھ نہ لیں

اس لیے دیکھ بھال کر مارا

سادگی پر مٹے ہوئے تھے یوں ہی

اور بھی اس نے بن سنور مارا

مر مٹوں کا پتا کہیں نہ لگا

بے نشانوں کا ڈھونڈھ گھر مارا

چشم تر نے بہا کے جوے سرشک

موج دریا کو دھار پر مارا

ہم وہ ہیں کشتۂ تمنا شادؔ

خواہش دل کو عمر بھر مارا

ishq mein zor umr bhar mara

aqibat koh kin ne sar mara

nala-e-dil ne khushnawai mein

taana-e-saut-e-hazar par mara

zakhm-e-pinhan dil-o-jigar mein nahin

na khula kya idhar idhar mara

mujh ko gharyaliyon ne hijr ki rat

be bajae hue gajar mara

dahne baen malak hain dekh na len

is liye dekh bhal kar mara

sadgi par mite hue the yun hi

aur bhi us ne ban sanwar mara

mar muton ka pata kahin na laga

be nishanon ka dhundh ghar mara

chashm-e-tar ne baha ke juwe sarishk

mauj-e-dariya ko dhar par mara

ham wo hain kushta-e-tamanna shad

khwahish-e-dil ko umr bhar mara