عشق نے تجھ خال کے مجھ کوں خیالی کیا

عشق نے تجھ خال کے مجھ کوں خیالی کیا

دل کوں خیالات سوں غیر کے خالی کیا

فکر پہنچتی نہیں مصرعۂ ثانی کہوں

حق نے تیرے قد کے تئیں مصرعہ عالی کیا

ہجر میں جاگیر عیش مجنوں ہوئی تھی تغیر

وصل کے دیوان نے پھر کے بحالی کیا

گلشن عشرت کا وہ کیوں نہ نظارہ کرے

تجھ چمن حسن کا دل کوں جو مالی کیا

بوسہ اسے دے جواب یو ہے جو اب صواب

تجھ انگے داؤدؔ نے لب کوں سوالی کیا

ishq ne tujh khal ke mujh kun khayali kiya

dil kun khayalat sun ghair ke khali kiya

fikr pahunchti nahin misra-e-sani kahun

haq ne tere qad ke tain misra ali kya

hijr mein jagir-e-aish-e-majnun hui thi taghayyur

wasl ke diwan ne phir ke bahali kiya

gulshan-e-ishrat ka wo kyun na nazara kare

tujh chaman-e-husn ka dil kun jo mali kiya

bosa use de jawab-e-yu hai jo ab sawab

tujh ange daud ne lab kun sawali kya