عشق میں دل بن کے دیوانہ چلا

عشق میں دل بن کے دیوانہ چلا

آشنا سے ہو کے بیگانہ چلا

قلقل مینا سے آتی ہے صدا

بھر چکا جس وقت پیمانہ چلا

بے زبانوں کو بھی آئی ہے زباں

بیڑی غل کرتی ہے دیوانہ چلا

عشق بازی بازئ شطرنج ہے

چال ناداں رہ گیا دانہ چلا

شب جو آیا بزم میں وہ شعلہ رو

شمع گل کرنے کو پروانہ چلا

بوئے گل غنچہ سے کہتی ہے نسیمؔ

بات نکلی منہ سے افسانہ چلا

ishq mein dil ban ke diwana chala

ashna se ho ke begana chala

qulqul-e-mina se ati hai sada

bhar chuka jis waqt-e-paimana chala

be zabanon ko bhi ai hai zaban

beri ghul karti hai diwana chala

ishq bazi bazi-e-shatranj hai

chal nadan rah gaya dana chala

shab jo aya bazm mein wo shola ro

sham-e-gul karne ko parwana chala

bu-e-gul ghuncha se kahti hai nasim

bat nikli munh se afsana chala