عشق کا اختتام کرتے ہیں

عشق کا اختتام کرتے ہیں

دل کا قصہ تمام کرتے ہیں

قہر ہے قتل عام کرتے ہیں

ترک ترکی تمام کرتے ہیں

طاق ابرو سے ان کے در گزرے

ہم یہیں سے سلام کرتے ہیں

شیخ اس سے پناہ مانگتے ہیں

برہمن رام رام کرتے ہیں

جوہری پر ترے در دنداں

آب و دانہ حرام کرتے ہیں

خط قسمت پڑھا نہیں جاتا

صرف منطق تمام کرتے ہیں

یا الٰہی حلال ہوں واعظ

دخت رز حرام کرتے ہیں

آپ کی منہ لگی ہے دختر رز

باتیں ہونٹوں سے جام کرتے ہیں

چلی دنیا سے ہم پئے عقبیٰ

کوچ بھر مقام کرتے ہیں

اپنے دل پر ہے اختیار ہمیں

ملک کا انتظام کرتے ہیں

قابل گفتگو رقیب نہیں

آپ کس سے کلام کرتے ہیں

رات بھر میرے نالۂ پر درد

نیند ان کی حرام کرتے ہیں

ظلم ہی احمقوں کی منہ زوری

تنگ یہ بے لگام کرتے ہیں

دل سے رنگ دوئی مٹاتے ہیں

زخم کا التیام کرتے ہیں

اے صباؔ کیوں کسی کا دل توڑیں

کعبے کا احترام کرتے ہیں

ishq ka ikhtitam karte hain

dil ka qissa tamam karte hain

qahr hai qatl-e-am karte hain

tark-e-tarki tamam karte hain

taq-e-abru se un ke dar guzre

ham yahin se salam karte hain

shaikh us se panah mangte hain

barahman ram ram karte hain

jauhari par tire dar-e-dandan

ab-o-dana haram karte hain

khat-e-qismat parha nahin jata

sirf-e-mantiq tamam karte hain

ya ilahi halal hun waiz

dukht-e-raz haram karte hain

ap ki munh lagi hai dukhtar-e-raz

baten honton se jam karte hain

chali duniya se ham piye uqba

kuch bhar maqam karte hain

apne dil par hai ikhtiyar hamen

mulk ka intizam karte hain

qabil-e-guftugu raqib nahin

ap kis se kalam karte hain

rat bhar mere nala-e-pur dard

nind un ki haram karte hain

zulm hi ahmaqon ki munh zori

tang ye be lagam karte hain

dil se rang-e-dui mitate hain

zakhm ka iltiyam karte hain

ai saba kyun kisi ka dil toren

kaabe ka ehtiram karte hain