عشق کی آگ میں اب شمع سا جل جاؤں گا

عشق کی آگ میں اب شمع سا جل جاؤں گا

تجھ لگن بیچ قدم گاڑ نہ ٹل جاؤں گا

گر دم تیغ سے سو بار کٹے گی گردن

اپنی ثابت قدمی سیتے سنبھل جاؤں گا

میں وہ جاں باز و حوالہ ہوں پتنگے کی طرح

شمع رو تیرے اپر جان سے جل جاؤں گا

شجر موم سا ہوں عالم موہوم کے بیچ

مہرباں گرم نگاہی سے پگھل جاؤں گا

خاک اڑاتا ہوا ہستی کے تئیں دے برباد

سر بہ صحرا ہوں بگولے سا نکل جاؤں گا

تیرے کوچے کی طرف عزم کیا ہوں جاناں

آخرش یک دو قدم سر سے بھی چل جاؤں گا

چشم بد مست کو گردش میں جو لاوے ساقی

ابھی دو جام میں سرشار ہو چل جاؤں گا

عشقؔ ہے بال سے باریک صراط محشر

یا علیؔ کہہ کے تبھی اس پہ سنبھل جاؤں گا

ishq ki ag mein ab shama sa jal jaunga

tujh lagan bich qadam gar na tal jaunga

gar dam-e-tegh se sau bar kategi gardan

apni sabit qadami saite sambhal jaunga

main wo jan baz-o-hawala hun patange ki tarah

shama ro tere upar jan se jal jaunga

shajar mom sa hun alam mauhum ke bich

mehrban garm nigahi se pighal jaunga

khak urata hua hasti ke tain de barbad

sar ba sahra hun bagule sa nikal jaunga

tere kuche ki taraf azm kiya hun janan

akhirash yak do qadam sar se bhi chal jaunga

chashm-e-bad mast ko gardish mein jo lawe saqi

abhi do jam mein sarshar ho chal jaunga

ishq hai bal se barik sirat-e-mahshar

ya ali kah ke tabhi us pe sambhal jaunga