عشق ہے اختیار کا دشمن

عشق ہے اختیار کا دشمن

صبر و ہوش و قرار کا دشمن

دل تری زلف دیکھ کیوں نہ ڈرے

جال ہو ہے شکار کا دشمن

ساتھ اچرج ہے زلف و شانے کا

مور ہوتا ہے مار کا دشمن

دل سوزاں کوں ڈر ہے انجہواں سیں

آب ہو ہے شرار کا دشمن

کیا قیامت ہے عاشقی کے رشک

یار ہوتا ہے یار کا دشمن

آبروؔ کون جا کے سمجھاوے

کیوں ہوا دوست دار کا دشمن

ishq hai ikhtiyar ka dushman

sabr-o-hosh-o-qarar ka dushman

dil tiri zulf dekh kyun na dare

jal ho hai shikar ka dushman

sath achraj hai zulf-o-shane ka

mor hota hai mar ka dushman

dil-e-sozan kun dar hai anjahwan sin

ab ho hai sharar ka dushman

kya qayamat hai ashiqi ke rashk

yar hota hai yar ka dushman

abru kaun ja ke samjhawe

kyun hua dost dar ka dushman