شہرت ہے میری سخن وری کی

شہرت ہے میری سخن وری کی

ہندی میں ہے طرز فارسی کی

کیوں ذکر وصال سے خفا ہو

یہ بات تو ہے ہنسی خوشی کی

اللہ رے نزاکت لب یار

بت خانے پڑے جو مے کشی کی

شکوہ نہ کروں میں تا لب گور

دشمن بھی کہے کہ دوستی کی

ہو دیدۂ مہر شبنم افشاں

حالت جو دکھاؤں بے کسی کی

جب موت کسی طرح نہ آئے

گھبرا کر ہم نے عاشقی کی

خاموش ہو شمع روتے روتے

تقریر کروں جو خامشی کی

اے موت عذاب سے چھڑایا

اس قید سے تو نے مخلصی کی

بلبل کو کیا اسیر گل دام

صیاد نے خوب منصفی کی

دیکھا جو وہ رشک ماہ کنعاں

رنگت ہوئی زر دستری کی

پہنچے نہ برنگ شانہ تا زلف

کیا بخت سیہ نے کوتاہی کی

دوزخ کی طرح جلیں نہ زاہد

جنت میں بھی ہم نے مے کشی کی

نالے کیے چپکے چپکے روئے

کیا کیا غم یار کی خوشی کی

غولوں نے لحد پہ ہوں وہ وحشی

آنکھوں سے آ کے روشنی کی

اے عرشؔ خدا و بت احد ہیں

مشرک کو سمائی ہے دوئی کی

shohrat hai meri sukhan wari ki

hindi mein hai tarz farsi ki

kyun zikr-e-wisal se khafa ho

ye bat to hai hansi khushi ki

allah re nazakat-e-lab-e-yar

but khane pare jo mai kashi ki

shikwa na karun main ta lab-e-gor

dushman bhi kahe ke dosti ki

ho dida-e-mehr shabnam afshan

halat jo dikhaun be kisi ki

jab maut kisi tarah na ae

ghabra kar ham ne ashiqi ki

khamosh ho shama rote rote

taqrir karun jo khamushi ki

ai maut azab se chhuraya

is qaid se tu ne makhlasi ki

bulbul ko kiya asir-e-gul dam

sayyad ne khub munsifi ki

dekha jo wo rashk-e-mah-e-kanan

rangat hui zar-e-dastri ki

pahunche na barang-e-shana ta zulf

kya bakht-e-siyah ne kotahi ki

dozakh ki tarah jalen na zahid

jannat mein bhi ham ne mai kashi ki

nale kiye chupke chupke roe

kya kya gham yar ki khushi ki

ghaulon ne lahad pe hun wo wahshi

ankhon se a ke raushni ki

ai arsh-e-khuda-o-but ahad hain

mushrik ko samai hai dui ki