شہر میں تھا نہ ترے حسن کا یہ شور کبھو

شہر میں تھا نہ ترے حسن کا یہ شور کبھو

مصر اس جنس سے اتنا نہ تھا معمور کبھو

عشق میں داد نہ چاہو کہ سنا ہم نے نہیں

عدل و انصاف کا اس ملک میں دستور کبھو

فکر مرہم کا مرے واسطے مت کر ناصح

خوب ہوتا نہیں اس عشق کا ناسور کبھو

گو نہ کر وعدہ وفا دے نہ مجھے اس کا جواب

مجھ سے ملنا بھی سجن ہے تجھے منظور کبھو

اپنی بے دردی کی سوگند ہے تجھ کو اے مرگ

تو نے دیکھا ہے یقیںؔ سا کوئی رنجور کبھو

shahr mein tha na tire husn ka ye shor kabhu

misr is jins se itna na tha maamur kabhu

ishq mein dad na chaho ke suna ham ne nahin

adl-o-insaf ka is mulk mein dastur kabhu

fikr marham ka mire waste mat kar naseh

khub hota nahin is ishq ka nasur kabhu

go na kar waada wafa de na mujhe us ka jawab

mujh se milna bhi sajan hai tujhe manzur kabhu

apni be dardi ki saugand hai tujh ko ai marg

tu ne dekha hai yaqin sa koi ranjur kabhu