شیخ و پنڈت دھرم اور اسلام کی باتیں کریں

شیخ و پنڈت دھرم اور اسلام کی باتیں کریں

کچھ خدا کے قہر کچھ انعام کی باتیں کریں

یاس و حرمان و غم و آلام کی باتیں کریں

آ دل ایذا طلب کچھ کام کی باتیں کریں

یہ سنائیں پاک نغمے اولیں الہام کے

وہ خدا کے آخری پیغام کی باتیں کریں

ہم کھڑے سنتے رہیں اور دل میں یہ کہتے رہیں

اب یہ رخصت ہوں تو ہم کچھ کام کی باتیں کریں

دوست سے کہہ دیں دل بے مدعا کی داستاں

آج ساقی سے شکست جام کی باتیں کریں

عمر بھر کا عہد الفت اک خیال خام تھا

آؤ لیکن اس خیال خام کی باتیں کریں

زندگی بے شک ترا انعام ہے یارب مگر

سن سکے تو کچھ ترے انعام کی باتیں کریں

shaikh-o-pandat dharm aur islam ki baten karen

kuchh khuda ke qahr kuchh inam ki baten karen

yas-o-hirman-o-gham-o-alam ki baten karen

a dil-e-iza talab kuchh kam ki baten karen

ye sunaen pak naghme awwalin ilham ke

wo khuda ke akhiri paigham ki baten karen

ham khare sunte rahen aur dil mein ye kahte rahen

ab ye rukhsat hun to ham kuchh kam ki baten karen

dost se kah den dil-e-be muddaa ki dastan

aj saqi se shikast-e-jam ki baten karen

umr bhar ka ahd-e-ulfat ik khayal-e-kham tha

ao lekin is khayal-e-kham ki baten karen

zindagi be shak tira inam hai yarab magar

sun sake to kuchh tire inam ki baten karen