عاشق زار ہوں دیوانہ ہوں

عاشق زار ہوں دیوانہ ہوں

میں بھی اک شمع کا پروانہ ہوں

خانہ آباد جنوں کی دولت

باعث رونق ویرانہ ہوں

یاد رکھتا ہے مجھے کم کوئی

میں دم خواب کا افسانہ ہوں

اس سے ہر ایک کو اپنایت ہے

کون کہتا ہے میں بیگانہ ہوں

لوٹنا اشک کا میں سینہ پر

جانتا بازیٔ طفلانہ ہوں

منتظرؔ روز ازل سے میں تو

والہ جلوۂ جانانہ ہوں

ashiq-e-zar hun diwana hun

main bhi ik shama ka parwana hun

khana abad-e-junun ki daulat

bais-e-raunaq-e-wirana hun

yad rakhta hai mujhe kam koi

main dam-e-khwab ka afsana hun

us se har ek ko apnayat hai

kaun kahta hai main begana hun

lautna ashk ka main sina par

janta bazi-e-tiflana hun

muntazir roz-e-azal se main to

walahu jalwa-e-janana hun