عارض سے ترے بہار مقصود

عارض سے ترے بہار مقصود

ہے خط سے بنقشہ زار مقصود

اڑ اڑ کے غبار عاشق آیا

کوچہ میں جو تھا مزار مقصود

کعبہ سے غزال کودتا آئے

ہو ان کا اگر شکار مقصود

گیسو سے غرض ہے خاص کر لیل

رخسار سے ہے نہار مقصود

نرگس ہے چمن کی دیدۂ شوق

ہے آپ کا انتظار مقصود

دل کی نہ کلی شگفتہ ہوگی

گل سے نہ رکھے ہزار مقصود

داغوں کا وقارؔ سینہ مشتاق

ہے کوہ کا لالہ زار مقصود

ariz se tire bahar maqsud

hai khat se banqasha zar maqsud

ur ur ke ghubar ashiq aya

kucha mein jo tha mazar-e-maqsud

kaaba se ghazal kudta ae

ho un ka agar shikar-e-maqsud

gesu se gharaz hai khas kar lail

rukhsar se hai nahar maqsud

nargis hai chaman ki dida-e-shauq

hai ap ka intizar maqsud

dil ki na kali shagufta hogi

gul se na rakhe hazar maqsud

daghon ka waqar sina mushtaq

hai koh ka lala zar maqsud