برباد نہ کر اس کو ذرا ہاتھ پہ دھر لا
واجد علی شاہبرباد نہ کر اس کو ذرا ہاتھ پہ دھر لا
اے باد صبا خاک در یار ادھر لا
صیاد سے کیا فکر ہے اے طائر مضموں
کاغذ کے تجھے پر بھی لگیں کام تو کر لا
لے جا دل بے تاب نشانی مری قاصد
سیماب سے ہے مرتبۂ عشق خبر لا
یہ کان ہیں مشتاق خبر قاصد جاناں
آنکھوں کو بھی دیدار ہے منظور نظر لا
حسرت ہے کہیں حسرت دل اس کی نکالے
اس اخترؔ غمگیں کے لئے دیدۂ تر لا
barbad na kar us ko zara hath pe dhar la
ai bad-e-saba khak-e-dar-e-yar idhar la
sayyad se kya fikr hai ai tair-e-mazmun
kaghaz ke tujhe par bhi lagen kam to kar la
le ja dil-e-be tab nishani miri qasid
simab se hai martaba-e-ishq khabar la
ye kan hain mushtaq khabar qasid janan
ankhon ko bhi didar hai manzur-e-nazar la
hasrat hai kahin hasrat-e-dil us ki nikale
is akhtar ghamgin ke liye dida-e-tar la