ظالم ترے وعدوں نے دیوانہ بنا رکھا

ظالم ترے وعدوں نے دیوانہ بنا رکھا

شمع رخ انور کا پروانہ بنا رکھا

سبزہ کی طرح مجھ کو اس گلشن عالم میں

اپنوں سے بھی قسمت نے بیگانہ بنا رکھا

تقلید یہ اچھی کی ساقی نے مرے دل کی

ٹوٹے ہوئے شیشہ کا پیمانہ بنا رکھا

دعویٰ تری الفت کا کہنے میں نہیں آتا

غیروں نے مگر اس کا افسانہ بنا رکھا

افسوس نہ کی دل کی کچھ قدر عزیزؔ افسوس

کعبہ تھا اسے تو نے بت خانہ بنا رکھا

zalim tire waadon ne diwana bana rakha

sham-e-rukh anwar ka parwana bana rakha

sabza ki tarah mujh ko is gulshan alam mein

apnon se bhi qismat ne begana bana rakha

taqlid ye achchhi ki saqi ne mire dil ki

tute hue shisha ka paimana bana rakha

daawa tiri ulfat ka kahne mein nahin ata

ghairon ne magar us ka afsana bana rakha

afsos na ki dil ki kuchh qadr aziz afsos

kaaba tha use tu ne but khana bana rakha