عاشق کو تیرے لاکھ کوئی رہنما ملے

عاشق کو تیرے لاکھ کوئی رہنما ملے

تیرا پتا ملا ہے نہ تیرا پتا ملے

تم مجھ سے آ ملے کبھی دشمن سے جا ملے

جب یہ مزاج ہے تو کوئی تم سے کیا ملے

بعد فنا بھی خیر سے تنہا نہیں ہیں ہم

بندوں سے چھٹ گئے تو فرشتوں میں آ ملے

جب دیر میں یہ دیکھا کہ اپنا گزر نہیں

کعبے کے جانے والوں میں مجبور جا ملے

دیکھو رساؔ چلے تو ہو تم توبہ توڑنے

در پر نہ مے کدے کے کوئی پارسا ملے

ashiq ko tere lakh koi rahnuma mile

tera pata mila hai na tera pata mile

tum mujh se a mile kabhi dushman se ja mile

jab ye mizaj hai to koi tum se kya mile

baad-e-fana bhi khair se tanha nahin hain ham

bandon se chhut gae to farishton mein a mile

jab der mein ye dekha ke apna guzar nahin

kaabe ke jane walon mein majbur ja mile

dekho rasa chale to ho tum tauba torne

dar par na mai kade ke koi parsa mile