عاشق ہوئے ہیں جب سے ہم خود سے جا رہے ہیں

عاشق ہوئے ہیں جب سے ہم خود سے جا رہے ہیں

بے درد ناصحوں نے ناحق ستا رہے ہیں

فصل بہار میں ہم کیوں کر نہ ہوں دوانے

گل چاک کر گریباں دھومیں مچا رہے ہیں

پھر آونے کا وعدہ تم کر گئے ہو ہم سے

پیارے تمہاری رہ پر آنکھیں لگا رہے ہیں

اے ابر تو برستا اور ہی طرف چلا جا

امڈے ہیں غم کے بادل سو ہم تھما رہے ہیں

دل کھول ٹک جو برسیں ارض و سما ڈباویں

مژگان تر کے ظالم وہ ابر چھا رہے ہیں

یہ عشق نیں ہے برعکس جا دیکھ لے چمن میں

آ خوش نین عدم سے آنکھیں دکھا رہے ہیں

ashiq hue hain jab se ham khud se ja rahe hain

be dard nasihon ne nahaq sata rahe hain

fasl-e-bahar mein ham kyun kar na hun diwane

gul chak kar gareban dhumen macha rahe hain

phir awane ka waada tum kar gae ho ham se

pyare tumhari rah par ankhen laga rahe hain

ai abr to barasta aur hi taraf chala ja

umde hain gham ke badal so ham thama rahe hain

dil khol tuk jo barsen arz-o-sama dabawen

mizhgan tar ke zalim wo abr chha rahe hain

ye ishq nain hai baraks ja dekh le chaman mein

a khush nain adam se ankhen dikha rahe hain