عاجز ہوں ترے ہاتھ سے کیا کام کروں میں

عاجز ہوں ترے ہاتھ سے کیا کام کروں میں

کر چاک گریباں تجھے بدنام کروں میں

ہے دور جہاں میں مجھے سب شکوہ تجھی سے

کیوں کچھ گلہ گردش ایام کروں میں

آوے جو تصرف میں مرے مے کدہ ساقی

اک دم میں خموں کے خمیں انعام کروں میں

حیراں ہوں ترے ہجر میں کس طرح سے پیارے

شب روز کو اور صبح کے تئیں شام کروں میں

مجھ کو شہ عالم کیا اس رب نے نہ کیونکر

اللہ کا شکرانہ انعام کروں میں

ajiz hun tire hath se kya kam karun main

kar chak-e-gareban tujhe badnam karun main

hai daur-e-jahan mein mujhe sab shikwa tujhi se

kyun kuchh gila gardish-e-ayyam karun main

awe jo tasarruf mein mire mai kada saqi

ik dam mein khamon ke khamen inam karun main

hairan hun tire hijr mein kis tarah se pyare

shab roz ko aur subh ke tain sham karun main

mujh ko shah-e-alam kiya is rab ne na kyunkar

allah ka shukrana inam karun main