عاشق کے مکھ پہ نین کے پانی کو دیکھ توں

عاشق کے مکھ پہ نین کے پانی کو دیکھ توں

اس آرسی میں راز نہانی کوں دیکھ توں

سن بے قرار دل کی اول آہ شعلہ خیز

تب اس حرف میں دل کے معانی کوں دیکھ توں

خوبی سوں تجھ حضور و شمع دم زنی میں ہے

اس بے حیا کی چرب زبانی کوں دیکھ توں

دریا پہ جا کے موج رواں پر نظر نہ کر

انجھواں کی میرے آ کے روانی کوں دیکھ توں

تجھ شوق کا جو داغ ولیؔ کے جگر میں ہے

بے طاقتی میں اس کی نشانی کوں دیکھ توں

ashiq ke mukh pe nain ke pani ko dekh tun

is arsi mein raz-e-nihani kun dekh tun

sun be qarar dil ki awwal ah shola khez

tab is harf mein dil ke maani kun dekh tun

khubi sun tujh huzur-o-shama dam zani mein hai

us be haya ki charb zabani kun dekh tun

dariya pe ja ke mauj-e-rawan par nazar na kar

anjhawan ki mere a ke rawani kun dekh tun

tujh shauq ka jo dagh wali ke jigar mein hai

be taqati mein us ki nishani kun dekh tun