شب وصال ہنسی آتی ہے مقدر پر

شب وصال ہنسی آتی ہے مقدر پر

وہ ہم سے روٹھ کے سونے چلے ہیں بستر پر

وہ سخت جاں ہوں کہ قاتل ہے جان سے عاجز

کبھی گلے پہ ہے خنجر کبھی ہے پتھر پر

چلیں گے کعبہ کو زمزم پہ دھو تو لیں زاہد

بہت شراب کے دھبے ہیں دامن تر پر

مریض عشق سے تنگ آ کے چارہ گر نے کہا

اسے بلاؤ یہ مرتا ہے جس ستم گر پر

شب فراق دل بے قرار دور رہے

تڑپ سکیں گے نہ ہم دونوں ایک بستر پر

shab-e-wisal hansi ati hai muqaddar par

wo ham se ruth ke sone chale hain bistar par

wo sakht jan hun ke qatil hai jan se ajiz

kabhi gale pe hai khanjar kabhi hai patthar par

chalenge kaaba ko zamzam pe dho to len zahid

bahut sharab ke dhabbe hain daman-e-tar par

mariz-e-ishq se tang a ke chara gar ne kaha

use bulao ye marta hai jis sitam gar par

shab-e-firaq-e-dil be qarar dur rahe

tarap sakenge na ham donon ek bistar par