بحث کیوں ہے کافر و دیں دار کی

بحث کیوں ہے کافر و دیں دار کی

سب ہے قدرت داور دوار کی

ہم صف قالوا بلیٰ میں کیا نہ تھے

کچھ نئی خواہش نہیں دیدار کی

ڈھونڈھ کر دل میں نکالا تجھ کو یار

تو نے اب محنت مری بیکار کی

شکل گل میں جلوہ کرتے ہو کبھی

گاہ صورت بلبل گل زار کی

آپ آتے ہو کبھی سبحہ بکف

کرتے ہو خواہش کبھی زنار کی

لن ترانی آپ کی موسیٰ سے تھی

ہر جگہ حاجت نہیں انکار کی

خاص ہیں مقتول شمشیر جفا

کچھ تو لذت ہے تری تلوار کی

دیر و کعبہ میں کلیسا میں پھرے

ہر جگہ ہم نے تلاش یار کی

سب کی ہے تقدیر تیرے ہاتھ میں

کیا شکایت مسلم و کفار کی

ہم میں جوہر تھے عبادت خاص کے

کر دیا انساں یہ مٹی خوار کی

مہر و مہ کو عمر بھر دیکھا کئے

تھی تمنا روئے پر انوار کی

اور اے بہرامؔ اک لکھو غزل

آپ کو قلت نہیں اشعار کی

bahs kyun hai kafir-o-din dar ki

sab hai qudrat-e-dawar dawar ki

ham saf qaliwa billi mein kya na the

kuchh nai khwahish nahin didar ki

dhundh kar dil mein nikala tujh ko yar

tu ne ab mehnat miri bekar ki

shakl-e-gul mein jalwa karte ho kabhi

gah surat bulbul-e-gul zar ki

ap ate ho kabhi subha bakaf

karte ho khwahish kabhi zunnar ki

lan tarani ap ki musa se thi

har jagah hajat nahin inkar ki

khas hain maqtul-e-shamshir-e-jafa

kuchh to lazzat hai tiri talwar ki

dair-o-kaaba mein kalisa mein phire

har jagah ham ne talash-e-yar ki

sab ki hai taqdir tere hath mein

kya shikayat muslim-o-kuffar ki

ham mein jauhar the ibadat khas ke

kar diya insan ye mitti khwar ki

mehr-o-mah ko umr bhar dekha kiye

thi tamanna roe par anwar ki

aur ai bahram ik likho ghazal

ap ko qillat nahin ashar ki