شب کے ہیں ماہ مہر ہیں دن کے

شب کے ہیں ماہ مہر ہیں دن کے

روپ دیکھے بتان کمسن کے

بوسے ہیں بے حساب ہر دن کے

وعدے کیوں ٹالتے ہو گن گن کے

ہیں وہ دیوانے جذب باطن کے

اتری ہے شیشہ میں پری جن کے

اہل دل دیکھتے ہیں آپ کا منہ

آئنے میں صفائی باطن کے

دل رواں ہو خیال یار کے ساتھ

جائے مسکن بھی ساتھ ساکن کے

لاغروں پر ہے ظلم جاں شکنی

اے اجل توڑتی ہے کیوں تنکے

رہے کلکتہ میں مخیر منیرؔ

صدقے اپنے امام ضامن کے

shab ke hain mah mehr hain din ke

rup dekhe butan kamsin ke

bose hain be hisab har din ke

waade kyun talte ho gin gin ke

hain wo diwane jazb-e-batin ke

utri hai shisha mein pari jin ke

ahl-e-dil dekhte hain ap ka munh

aine mein safai batin ke

dil rawan ho khayal-e-yar ke sath

jae maskan bhi sath sakin ke

lagharon par hai zulm jan shikani

ai ajal torti hai kyun tinke

rahe kilktah mein mukhayyar munir

sadqe apne imam zamin ke