شب درد و غم سے عرصہ مرے جی پہ تنگ تھا

شب درد و غم سے عرصہ مرے جی پہ تنگ تھا

آیا شب فراق تھی یا روز جنگ تھا

کثرت میں درد و غم کی نہ نکلی کوئی تپش

کوچہ جگر کے زخم کا شاید کہ تنگ تھا

لایا مرے مزار پہ اس کو یہ جذب عشق

جس بے وفا کو نام سے بھی میرے ننگ تھا

دیکھا ہے صید گا میں ترے صید کا جگر

با آنکہ چھن رہا تھا پہ ذوق خدنگ تھا

دل سے مرے لگا نہ ترا دل ہزار حیف

یہ شیشہ ایک عمر سے مشتاق سنگ تھا

مت کر عجب جو میرؔ ترے غم میں مر گیا

جینے کا اس مریض کے کوئی بھی ڈھنگ تھا

shab dard-o-gham se arsa mire ji pe tang tha

aya shab-e-firaq thi ya roz-e-jang tha

kasrat mein dard-o-gham ki na nikli koi tapish

kucha jigar ke zakhm ka shayad ke tang tha

laya mire mazar pe us ko ye jazb-e-ishq

jis be wafa ko nam se bhi mere nang tha

dekha hai said ga mein tire said ka jigar

ba anke chhin raha tha pe zauq-e-khadang tha

dil se mire laga na tira dil hazar haif

ye shisha ek umr se mushtaq sang tha

mat kar ajab jo mir tire gham mein mar gaya

jine ka is mariz ke koi bhi dhang tha