شب فراق میں میں نالہ و فغاں کرتا

شب فراق میں میں نالہ و فغاں کرتا

تو سن کے سارا جہاں شور الاماں کرتا

جہاں میں کس لئے میں الفت بتاں کرتا

دو روزہ عمر کو کیوں اپنی رائیگاں کرتا

میں آپ اپنے کو کرتا زمین کا پیوند

جو یاد صحبت یاران رفتگاں کرتا

کنشت و دیر و حرم میں نہ دیکھا جلوہ ترا

تجھے تلاش مری جان پھر کہاں کرتا

ضرور آنکھ میں ان کے بھی اشک بھر آتے

جو ان سے صدمۂ فرقت کو میں بیاں کرتا

جو ہوتا دشت جنوں میں کبھی گزر میرا

ضرور دامن صحرا بھی دھجیاں کرتا

جھپکتی خنجر خونخوار سے نہ آنکھ مری

ہزار مرتبہ قاتل جو امتحاں کرتا

وہ سخت جاں تھا کہ آری اسے بنا دیتا

گلے پہ میری جو خنجر کوئی رواں کرتا

بتوں کے ہجر میں جلتا جو برہمن کا دل

تو شور صورت ناقوس ہر زباں کرتا

کبھی نہ ناقۂ لیلیٰ کو تیز لے جاتا

خیال قیس حزیں کچھ جو سارباں کرتا

اجاڑ دیکھ کے گلشن کو خوب روتا میں

گزر خزاں میں اگر سوئے بوستاں کرتا

جو پھول توڑتا شاخوں سے موسم گل میں

ستم یہ بلبل محزوں پہ باغباں کرتا

بتان دیر سے کرتا اگر محبت میں

تمام عمر کے اعمال رائیگاں کرتا

ہمارے قتل کو قاتل نہ کھینچتا خنجر

دکھا کے ابروئے خم دار نیم جاں کرتا

پھنسا کے دام میں صیاد مجھ سے بلبل کو

اجاڑ باغ میں پھر میرا آشیاں کرتا

بہار آتے ہی پیر مغان دریا دل

ضرور دختر رز نذر مے کشاں کرتا

تمام عمر گنوائی گناہ کرنے میں

خدا سے خاک وفاؔ خواہش جناں کرتا

shab-e-firaq mein main nala-o-fughan karta

tu sun ke sara jahan shor alaman karta

jahan mein kis liye main ulfat-e-butan karta

do roza umr ko kyun apni raigan karta

main ap apne ko karta zamin ka paiwand

jo yad sohbat yaran-e-raftagan karta

kinshat-o-dair-o-haram mein na dekha jalwa tira

tujhe talash miri jan phir kahan karta

zarur ankh mein un ke bhi ashk bhar ate

jo un se sadma-e-furqat ko main bayan karta

jo hota dasht-e-junun mein kabhi guzar mera

zarur daman-e-sahra bhi dhajjiyan karta

jhapakti khanjar khunkhwar se na ankh miri

hazar martaba qatil jo imtihan karta

wo sakht jan tha ke ari use bana deta

gale pe meri jo khanjar koi rawan karta

buton ke hijr mein jalta jo barahman ka dil

tu shor surat-e-naqus har zaban karta

kabhi na naqa-e-laila ko tez le jata

khayal qais hazin kuchh jo sarban karta

ujar dekh ke gulshan ko khub rota main

guzar khizan mein agar su-e-bostan karta

jo phul torta shakhon se mausam-e-gul mein

sitam ye bulbul mahzon pe baghban karta

butan-e-dair se karta agar mohabbat mein

tamam umr ke aamal raigan karta

hamare qatl ko qatil na khinchta khanjar

dikha ke abru-e-kham dar-e-nim jan karta

phansa ke dam mein sayyad mujh se bulbul ko

ujar bagh mein phir mera ashiyan karta

bahar ate hi pir-e-maghin dariya dil

zarur dukhtar-e-raz nazr-e-mai kashan karta

tamam umr ganwai gunah karne mein

khuda se khak wafa khwahish-e-janan karta