شب سیاہ ہوا روز اے سجن تجھ بن

شب سیاہ ہوا روز اے سجن تجھ بن

مثال شمع جلے اہل انجمن تجھ بن

ہوئی ہے جان مجھے زندگی مرن تجھ بن

کفن ہوئی ہیں بدن کے اوپر بسن تجھ بن

نہ شہر بیچ مرا دل لگے نہ صحرا میں

کچھ آوتی نہیں اے ماہ مجھ سیں بن تجھ بن

ہوا ہے آگ کا شعلہ شراب پیالے میں

لگا ہے جان لباں کوں مرے دہن تجھ بن

اداس دل پہ ہمارا کہیں نہ جا پرچا

کٹھن ہوا ہے مجھے شہر میں بسن تجھ بن

کبھی تو یاد کر اخلاص فاتحہ کہنا

کہ آبروؔ کا ہوا ہجر سیں مرن تجھ بن

shab-e-siyah hua roz ai sajan tujh bin

misal-e-shama jale ahl-e-anjuman tujh bin

hui hai jan mujhe zindagi maran tujh bin

kafan hui hain badan ke upar basan tujh bin

na shahr bich mira dil lage na sahra mein

kuchh awati nahin ai mah mujh sin ban tujh bin

hua hai ag ka shola sharab pyale mein

laga hai jan luban kun mire dahan tujh bin

udas dil pe hamara kahin na ja parcha

kathin hua hai mujhe shahr mein basan tujh bin

kabhi to yad kar ikhlas fatiha kahna

ke abru ka hua hijr sin maran tujh bin