سمند گرم جو یاں اس سوار کا پہنچا

سمند گرم جو یاں اس سوار کا پہنچا

غبار تا فلک اس خاکسار کا پہنچا

تو سچ بتا کہ تجھے اتنی کیوں ہے بے چینی

مگر پیام کسی بے قرار کا پہنچا

ملے ہے پاؤں سے اپنے وہ لالہ رو ہر دم

یہ مرتبہ تو دل داغدار کا پہنچا

ہے یاں تلک تو نزاکت گلوں کے گجرے سے

لچکنے لگتا ہے اس گل غدار کا پہنچا

قفس سے چھٹنے کی امید ہی نہیں افسوسؔ

حصول کیا ہے جو مژدہ بہار کا پہنچا

samand garm jo yan is sawar ka pahuncha

ghubar ta falak is khaksar ka pahuncha

tu sach bata ke tujhe itni kyun hai be chini

magar payam kisi be qarar ka pahuncha

mile hai paon se apne wo lala ru har dam

ye martaba to dil daghdar ka pahuncha

hai yan talak to nazakat gulon ke gajre se

lachakne lagta hai us gul ghaddar ka pahuncha

qafas se chhutne ki ummid hi nahin afsos

husul kya hai jo muzhda bahar ka pahuncha