سمجھائیں کس طرح دل ناکردہ کار کو

سمجھائیں کس طرح دل ناکردہ کار کو

یہ دوستی سمجھتا ہے دشمن کے پیار کو

نکلا چمک کے مہر قیامت بھی اور ہم

بیٹھے رہے چھپائے دل داغ دار کو

ساقی نہ مے نہ جام نہ مینا نہ میکدہ

آمد بہار کی ہو مبارک بہار کو

کیا کیا بگاڑ میں بھی ادائیں ہیں دل فریب

کتنے بناؤ آتے ہیں گیسوئے یار کو

ناصح کا امتحان مبارکؔ ہو ایک دن

تھوڑی پلا کے دیکھیے اس ہوشیار کو

samjhaen kis tarah dil-e-nakarda kar ko

ye dosti samajhta hai dushman ke pyar ko

nikla chamak ke mehr qayamat bhi aur ham

baithe rahe chhupae dil-e-dagh dar ko

saqi na mai na jam na mina na maikada

amad bahar ki ho mubarak bahar ko

kya kya bigar mein bhi adaen hain dil fareb

kitne banao ate hain gesu-e-yar ko

naseh ka imtihan mubarak ho ek din

thori pila ke dekhiye is hoshyar ko