سن لیوے اگر تو مری دل دار کی آواز

سن لیوے اگر تو مری دل دار کی آواز

ہرگز نہ سنے پھر کبھوں مزمار کی آواز

کھل جاویں اگر کان ترے دل کے تو بے شک

ہر سمت سے پھر آئے تجھے یار کی آواز

سن کر وہ صدا طائر دل کی مرے بولے

شاید کہ یہ ہے بلبل گل زار کی آواز

ہو جاوے کماں تیر فلک بار الم سے

سن لیوے جو تیرے لب سوفار کی آواز

مردہ کو جلا کر کے بناوے ہے مسیحا

اے عیسیٰ دوراں تری رفتار کی آواز

سنتا ہوں میں آثمؔ شہ خادم کے لبوں سے

ہر لحظہ بدل شبلی اور عطار کی آواز

sun lewe agar to miri dil dar ki awaz

hargiz na sune phir kabhon mazmar ki awaz

khul jawen agar kan tire dil ke to be shak

har samt se phir ae tujhe yar ki awaz

sun kar wo sada tair-e-dil ki mire bole

shayad ke ye hai bulbul-e-gul zar ki awaz

ho jawe kaman tir-e-falak bar-e-alam se

sun lewe jo tere lab-e-sofar ki awaz

murda ko jala kar ke banawe hai masiha

ai isa dauran tiri raftar ki awaz

sunta hun main asim shah khadim ke labon se

har lahza badal shabli aur attar ki awaz