سن رکھو اسے دل کا لگانا نہیں اچھا

سن رکھو اسے دل کا لگانا نہیں اچھا

دنیا یہ بری ہے یہ زمانہ نہیں اچھا

سب لوٹ لیا ایک نظر دیکھ کے مجھ کو

اے دز‌د نگہ دل کا چرانا نہیں اچھا

کیوں جھینپتے ہو غیروں میں ہاں پھر تو کہو وہ

گالی ہی تو تھی بات بنانا نہیں اچھا

عریاں بدنی پر نہ حبابوں کی پڑے آنکھ

دریا میں مری جان نہانا نہیں اچھا

افسوس کی صورت نہ بناؤ نہ رلاؤ

دل پستہ ہے ہونٹوں کا چبانا نہیں اچھا

روتے ہیں ہنساتے ہو بھری بزم میں صاحب

چپ بیٹھے رہو دھیان بٹانا نہیں اچھا

کوچے سے چلے جائیے اخترؔ کہیں اب اور

مضمون بہت عشق کا چھانا نہیں اچھا

sun rakho use dil ka lagana nahin achchha

duniya ye buri hai ye zamana nahin achchha

sab laut liya ek nazar dekh ke mujh ko

ai duzd-e-nigah-e-dil ka churana nahin achchha

kyun jhinpte ho ghairon mein han phir to kaho wo

gali hi to thi bat banana nahin achchha

uryan badni par na hababon ki pare ankh

dariya mein miri jan nahana nahin achchha

afsos ki surat na banao na rulao

dil pista hai honton ka chabana nahin achchha

rote hain hansate ho bhari bazm mein sahab

chup baithe raho dhyan batana nahin achchha

kuche se chale jaiye akhtar kahin ab aur

mazmun bahut ishq ka chhana nahin achchha