سنا کر حال قسمت آزما کر لوٹ آئے ہیں

سنا کر حال قسمت آزما کر لوٹ آئے ہیں

انہیں کچھ اور بیگانہ بنا کر لوٹ آئے ہیں

پھر اک ٹوٹا ہوا رشتہ پھر اک اجڑی ہوئی دنیا

پھر اک دلچسپ افسانہ سنا کر لوٹ آئے ہیں

فریب آرزو اب تو نہ دے اے مرگ مایوسی

ہم امیدوں کی اک دنیا لٹا کر لوٹ آئے ہیں

خدا شاہد ہے اب تو ان سا بھی کوئی نہیں ملتا

بزعم خویش ان کو آزما کر لوٹ آئے ہیں

بچھے جاتے ہیں یا رب کیوں کسی کافر کے قدموں میں

وہ سجدے جو در کعبہ پہ جا کر لوٹ آئے ہیں

suna kar hal qismat azma kar laut ae hain

unhen kuchh aur begana bana kar laut ae hain

phir ik tuta hua rishta phir ik ujri hui duniya

phir ik dilchasp afsana suna kar laut ae hain

fareb-e-arzu ab to na de ai marg-e-mayusi

ham ummidon ki ik duniya luta kar laut ae hain

khuda shahid hai ab to un sa bhi koi nahin milta

bazaam-e-khwesh un ko azma kar laut ae hain

bichhe jate hain ya rab kyun kisi kafir ke qadmon mein

wo sajde jo dar-e-kaaba pe ja kar laut ae hain