زخم اس سوکے کی کاری ہے خدا خیر کرے — باقر آگاہ ویلوری

Arooz is now on the App Store, for iPhone and iPad. Download →

باقر آگاہ ویلوری

زخم اس سوکے کی کاری ہے خدا خیر کرے

لوہو سیلاب سا جاری ہے خدا خیر کرے

سیل صہبا کی مرے سر سے گزر گئی یہ ہنوز

چشم میں تیری خماری ہے خدا خیر کرے

سیر ہوں ہستئ موہوم سے اس طرح کہ اب

عدم اس جی کی پیاری ہے خدا خیر کرے

کس کے جلوہ کا ہوں زخمی کہ لب زخم کے بیچ

خندۂ صبح بہاری ہے خدا خیر کرے

ہو گیا ہوں میں نت اس چشم سے بیمار آگاہ

دارو اس درد کی بھاری ہے خدا خیر کرے