زلف جاناں پہ طبیعت مری لہرائی ہے

زلف جاناں پہ طبیعت مری لہرائی ہے

سانپ کے منہ میں مجھے میری قضا لائی ہے

آج مے خانے پہ گھنگھور گھٹا چھائی ہے

ایک دنیا ہے کہ پینے کو امڈ آئی ہے

زلف شب رنگ کا ہے عکس یہ پیمانے میں

یا پری کوئی یہ شیشے میں اتر آئی ہے

تو بتا ناوک جاناں تری کیا ہے نیت

خنجر یار نے تو سر کی قسم کھائی ہے

حور و غلماں مری آنکھوں میں سمائیں کیوں کر

کس میں تیری سی ادا تیری سی رعنائی ہے

کچھ مداوا نہ ہوا تم سے مریض غم کا

کیا اسی برتے پہ دعوائے مسیحائی ہے

سرخی خون شہیداں کی جھلک ہے اس میں

دست قاتل پہ غضب رنگ حنا لائی ہے

zulf janan pe tabiat miri lahrai hai

sanp ke munh mein mujhe meri qaza lai hai

aj mai khane pe ghanghor ghata chhai hai

ek duniya hai ke pine ko umad ai hai

zulf-e-shab rang ka hai aks ye paimane mein

ya pari koi ye shishe mein utar ai hai

tu bata nawak janan tiri kya hai niyyat

khanjar-e-yar ne to sar ki qasam khai hai

hur-o-ghilman miri ankhon mein samaen kyun kar

kis mein teri si ada teri si raanai hai

kuchh mudawa na hua tum se mariz-e-gham ka

kya isi barte pe daawae masihai hai

surkhi-e-khun-e-shahidan ki jhalak hai is mein

dast-e-qatil pe ghazab rang-e-hina lai hai