زبان غیر سے کیا شرح آرزو کرتے

زبان غیر سے کیا شرح آرزو کرتے

وہ خود اگر کہیں ملتا تو گفتگو کرتے

وہ زخم جس کو کیا نوک آفتاب سے چاک

اسی کو سوزن مہتاب سے رفو کرتے

سواد دل میں لہو کا سراغ بھی نہ ملا

کسے امام بناتے کہاں وضو کرتے

وہ اک طلسم تھا قربت میں اس کے عمر کٹی

گلے لگا کے اسے اس کی آرزو کرتے

حلف اٹھائے ہیں مجبوریوں نے جس کے لیے

اسے بھی لوگ کسی روز قبلہ رو کرتے

جنوں کے ساتھ بھی رسمیں خرد کے ساتھ بھی قید

کسے رفیق بناتے کسے عدو کرتے

حجاب اٹھا دیے خود ہی نگار خانوں نے

ہمیں دماغ کہاں تھا کہ آرزو کرتے

zaban-e-ghair se kya sharh-e-arzu karte

wo khud agar kahin milta to guftugu karte

wo zakhm jis ko kiya nok-e-aftab se chak

usi ko sozan mahtab se rafu karte

sawad-e-dil mein lahu ka suragh bhi na mila

kise imam banate kahan wuzu karte

wo ik tilism tha qurbat mein us ke umr kati

gale laga ke use us ki arzu karte

half uthae hain majburiyon ne jis ke liye

use bhi log kisi roz qibla ro karte

junun ke sath bhi rasmen khirad ke sath bhi qaid

kise rafiq banate kise adu karte

hijab utha diye khud hi nigar khanon ne

hamen dimagh kahan tha ke arzu karte