زخم دل ہم دکھا نہیں سکتے

زخم دل ہم دکھا نہیں سکتے

دل کسی کا دکھا نہیں سکتے

وہ یہاں تک جو آ نہیں سکتے

کیا مجھے بھی بلا نہیں سکتے

وعدہ بھی ہے تو ہے قیامت کا

جس کو ہم آزما نہیں سکتے

آپ بھی بحر اشک ہیں گویا

آگ دل کی بجھا نہیں سکتے

ان سے امید وصل اے توبہ

وہ تو صورت دکھا نہیں سکتے

ان کو گھونگھٹ اٹھانے میں کیا عذر

ہوش میں ہم جو آ نہیں سکتے

مانگتے موت کی دعا لیکن

ہاتھ دل سے اٹھا نہیں سکتے

ان کو دعوائے یوسفی آسیؔ

خواب میں بھی جو آ نہیں سکتے

zakhm-e-dil ham dikha nahin sakte

dil kisi ka dikha nahin sakte

wo yahan tak jo a nahin sakte

kya mujhe bhi bala nahin sakte

waada bhi hai to hai qayamat ka

jis ko ham azma nahin sakte

ap bhi bahr ashk hain goya

ag dil ki bujha nahin sakte

un se ummid-e-wasl ai tauba

wo to surat dikha nahin sakte

un ko ghunghat uthane mein kya uzr

hosh mein ham jo a nahin sakte

mangte maut ki dua lekin

hath dil se utha nahin sakte

un ko daawae yusufi asi

khwab mein bhi jo a nahin sakte