زلف شب رنگ جو بنائی ہے
سخی لکھنویزلف شب رنگ جو بنائی ہے
ان دنوں شانے کی بن آئی ہے
حیف ثابت ہے جیب نے دامن
اور جنون میں بہار آئی ہے
کہے پروانہ شمع رو تجھ کو
اس کی آنکھوں میں چربی چھائی ہے
میری ان کی بگاڑ ہونے سے
خوب اغیار کی بن آئی ہے
پانی مانگے گا کیا دہان زخم
تیغ اک آب دار کہانی ہے
کلمہ ان بتوں نے پڑھوایا
خوبروئی ہے یا خدائی ہے
ہمہ تن ہو گئے ہیں آئینہ
خود نمائی سی خود نمائی ہے
یار سے ہو بھلا رقیبوں کا
اے سخیؔ بس یہی برائی ہے
zulf-e-shab rang jo banai hai
in dinon shane ki ban ai hai
haif sabit hai jeb ne daman
aur junun mein bahar ai hai
kahe parwana shama ro tujh ko
us ki ankhon mein charbi chhai hai
meri un ki bigar hone se
khub aghyar ki ban ai hai
pani mangega kya dahan-e-zakhm
tegh ik ab dar kahani hai
kalima un buton ne parhwaya
khubrui hai ya khudai hai
hama tan ho gae hain aina
khud numai si khud numai hai
yar se ho bhala raqibon ka
ai sakhi bas yahi burai hai