زمانے کا بھروسا کیا ابھی کچھ ہے ابھی کچھ ہے

زمانے کا بھروسا کیا ابھی کچھ ہے ابھی کچھ ہے

یہی ہے رنگ دنیا کا ابھی کچھ ہے ابھی کچھ ہے

جوانی کی ہے آمد حسن کی ہر دم ترقی ہے

تری صورت ترا نقشہ ابھی کچھ ہے ابھی کچھ ہے

نہ آئے گا قرار اس کو نہ ممکن ہے قیام اس کو

ہمارا دل ترا وعدہ ابھی کچھ ہے ابھی کچھ ہے

کبھی تو جستجو اس کی کبھی گم آپ ہو جانا

مری وحشت مرا سودا ابھی کچھ ہے ابھی کچھ ہے

غرور حسن ہے سر میں خیال دلبری دل میں

دماغ ان کا مزاج ان کا ابھی کچھ ہے ابھی کچھ ہے

ذرا میں مہرباں ہونا ذرا میں جان کے دشمن

عجب دل ہے حسینوں کا ابھی کچھ ہے ابھی کچھ ہے

تمہیں کیوں اس قدر غم ہے حفیظؔ اپنی تباہی کا

یہی دنیا کا ہے نقشہ ابھی کچھ ہے ابھی کچھ ہے

zamane ka bharosa kya abhi kuchh hai abhi kuchh hai

yahi hai rang duniya ka abhi kuchh hai abhi kuchh hai

jawani ki hai amad husn ki har dam taraqqi hai

tiri surat tira naqsha abhi kuchh hai abhi kuchh hai

na aega qarar us ko na mumkin hai qayam us ko

hamara dil tira waada abhi kuchh hai abhi kuchh hai

kabhi to justuju us ki kabhi gum ap ho jana

miri wahshat mira sauda abhi kuchh hai abhi kuchh hai

ghurur-e-husn hai sar mein khayal dilbari dil mein

dimagh un ka mizaj un ka abhi kuchh hai abhi kuchh hai

zara mein mehrban hona zara mein jan ke dushman

ajab dil hai hasinon ka abhi kuchh hai abhi kuchh hai

tumhen kyun is qadar gham hai hafiz apni tabahi ka

yahi duniya ka hai naqsha abhi kuchh hai abhi kuchh hai