بخدا فارسِ میدانِ تہور تھا حُرؔ

بخدا فارسِ میدانِ تہور تھا حُرؔ

ایک دو لاکھ سواروں میں بہادر تھا حُرؔ

نارِ دوزخ سے ابوذرؔ کی طرح حُر تھا حُرؔ

گوہرِ تاجِ سرِ عرش ہو، وہ دُر تھا حُرؔ

ڈھونڈھ لی راہِ خدا کام بھی کیا نیک ہوا

پاک طینت تھی تو انجام بھی کیا نیک ہوا

واہ رے طالعِ بیدار، رہے عزت و جاہ

حُرؔ پہ کیا فضلِ خدا ہو گیا، اللہ اللہ

پیشوائی کو گئے آپ، شہِ عرش پناہ

خضرِ قسمت نے بتا دی اسے فردوس کی راہ

مدتوں دور رہے جو وہ قریب ایسا ہو

بخت ایسے ہوں، اگر ہو تو نصیب ایسا ہو

نار سے نور کی جانب اسے لائی تقدیر

ابھی ذرہ تھا ابھی ہو گیا خورشیدِ منیر

شافعِ حشر نے خوش ہو کے بحل کی تقصیر

تکیۂ زانوئے شبیرؔ ملا وقتِ اخیر

اوج و اقبال و حشم فوجِ خدا میں پایا

جب ہوا خاک تو گھر خاکِ شفا میں پایا

اللہ اللہ حرِؔ صفدر و غازی کا نصیب

جانِ محبوبِ الٰہی جسے فرمائے حبیب

ہجر میں لطف ملاقات کا دوری میں قریب

وہی کام آتے ہیں محسن کے، جو ہوتے ہیں نجیب

صدقے ہو جائے اسے عشقِ ولی کہتے ہیں

اس کو دنیا میں سعیدِ ازلی کہتے ہیں

آیا کس شوق سے کعبے کی طرف چھوڑ کے دَیر

کوئی حضرت کا یگانہ بھی نہ سمجھا اسے غیر

حق نے لکھ دی تھی جو تقدیر میں فردوس کی سیر

فتنہ و شر سے بچا، ہو گیا انجام بخیر

ذکرِ خیر اس کے موے پر بھی ہوئے جاتے ہیں

عملِ نیک ہر اک وقت میں کام آتے ہیں

کفر کی راہ سے کارہ تھا، جو وہ نیک طریق

کس بشاشت سے ہوا، رہبرِ ایماں کا رفیق

تھے تو لاکھوں، پہ کسی کو بھی ہوئی یہ توفیق

خُلق طینت میں ہے جس کے وہی ہوتے ہیں خلیق

اوج دیندار کو، بے دیں کو سدا پستی ہے

اصل جس تیغ کی اچھی وہی کستی ہے

کیوں نہ بالیدہ ہو اس کا چمنِ جاہ و جلال

جس کو سر سبز کرے خود اسد اللہ کا لال

ہو گیا فاطمہؔ کے باغ میں آتے ہی نہال

وہ ثمر پائے کہ پہونچے نہ جہاں دستِ خیال

کِھِل گیا غنچۂ دل عذر جو منظور ہوئے

صورتِ برگِ خزاں دیدہ، گنہ دور ہوئے

حُرؔ کہاں، اور کہاں احمدِؔ مرسل کا خلف

بخت نے دَیر سے پہونچا دیا کعبے کی طرف

دل صفا ہو گیا سینے میں تو پائے یہ شرف

جب کہ آنکھیں ہوئی حق بیں، تو ملا درِّ نجف

نیک جو امر ہیں، دل پر وہی ٹھن جاتے ہیں

جب خدا چاہے تو بگڑے ہوئے بن جاتے ہیں

وصفِ حُر میں ہے زباں معترفِ عجز و قصور

آمد آمد کی بہادر کا، سنو اب مذکور

جب ہوئی مستعدِ جنگ، سپاہِ مقہور

مہر افلاک امامت نے کیا رن میں ظہور

غل ہوا جنگ کو، اللہ کے پیارے نکلے

اے فلک دیکھ، زمیں پر بھی ستارے نکلے

کیا کہوں شانِ جوانانِ جنودِ اللہ

کوئی ہم طلعتِ خورشید، کوئی غیرتِ ماہ

باندھی شیروں نے صفِ جنگ میانِ جنگاہ

چمنِ خُلد سے کرنے لگیں حوریں بھی نگاہ

واں لعینوں نے درِ ظلم و ستم کھول دیا

بڑھ کے عباسؔ نے یاں سبز علم کھول دیا

ہو گئے سرخ شجاعت سے رخِ آلِ نبیؐ

آئی ٹھنڈی جو ہوا بھول گئے تشنہ لبی

رن میں کڑکا ہوا، بجنے لگے باجے عربی

یکہ تازوں نے کیا شورِ مبارز طلبی

اک گھٹا چھا گئی ڈھالوں سے سیہ کاروں کی

برق ہر صف میں چمکنے لگی تلواروں کی

برچھیاں تول کے ہر غول سے خوں خوار بڑھے

نیزے ہاتھوں میں سنبھالے ہوئے اسوار بڑھے

تیر جوڑے ہوئے چلوں میں، کماں دار بڑھے

بولے شہ یاں سے ابھی کوئی نہ زنہار بڑھے

اسدِ حق کے گھرانے کا یہ دستور نہیں

میں نبی زادہ ہوں سبقت مجھے منظور نہیں

یہ سخن سن کے مخاطب ہوئے اعدا سے امام

اے سپاہِ عرب و روم و رے و کوفہ و شام

تم پہ کرتا ہے حسینؔ آخری حجت کو تمام

پسرِ مصحفِ ناطق ہوں سنو میرا کلام

سخنِ حق کی طرف کانوں کو مصروف کرو

شو باجوں کا مناسب ہو تو موقوف کرو

یہ صدا سنتے ہی خود رک گیا، قرنا کا خروش

تھم گیا، طبلِ وغا کی بھی وہ آواز کا جوش

ہو گیا جوڑ کے ہاتھوں کو، جلاجل خاموش

کیا بجاتے کہ بجا تھے نہ کسی شخص کے ہوش

چھیڑنا ان کو سرودوں کا بھی ناساز ہوا

رعب فرزند نبیؐ سرمۂ آواز ہوا

کم ہوا غلغلۂ فوج ستم جب اک بار

یوں گہر بار ہوئے شہ کے لبِ گوہر بار

صف کشی کس پہ ہے، یہ اے سپہِ ناہنجار

قتل سادات کی، لشکر میں یہ کیسی ہے پکار

وطن آواروں پہ، یہ قرق ہے کیوں پانی کا

کیا زمانے میں یہی طور ہے مہمانی کا

مجھ کو لڑنا نہیں منظور، یہ کیا کرتے ہو

تیر جوڑے ہیں جو مجھ پر تو خطا کرتے ہو

کیوں نبی زادے پہ غربت میں جفا کرتے ہو

دیکھو اچھا نہیں یہ ظلم، برا کرتے ہو

شمع ایماں ہوں، اگر سر مرا کٹ جائے گا

یہ مرقعِ ابھی اک دم میں الٹ جائے گا

میں ہوں سردارِ شبابِ چمنِ خلد بریں

میں ہوں خالق کی قسم دوشِ محمد کا مکیں

میں ہوں انگشتر پیغمبر خاتم کا نگیں

مجھ سے روشن ہے فلک مجھے سے منور ہے زمیں

ابھی نظروں سے نہاں نور جو میرا ہو جائے

محفلِ عالمِ امکاں میں اندھیرا ہو جائے

قلزم عز و شرف کا درِ شہوار ہوں میں

سب جہاں زیرِ نگیں ہے وہ جہاندار ہوں میں

آج گو مصلحتاً، بیکس و ناچار ہوں

ورثۂِ احمدِ مختار کا، مختار ہوں میں

بخدا دولتِ ایماں اسی دربار میں ہے

سب بزرگوں کا تبرک مری سرکار میں ہے

یہ قبا کس کی ہے بتلاؤ یہ کس کی دستار

یہ زرہ کس کی ہے، پہنے ہوں جو میں سینہ فگار

بر میں کس کا ہے یہ چار آئینۂ جوہر دار

کس کا رہوار ہے یہ آج میں جس پر ہوں سوار

کس کا یہ خود ہے، یہ تیغِ دوسر کس کی ہے

کس جری کی یہ کماں ہے، یہ سپر کی کی ہے

تنگ آئے گا تو رکنے کا نہیں پھر شبیرؔ

ایک حملے میں فنا ہوں گے یہ دو لاکھ شریر

چل سکیں گے نہ تبر مجھ پہ، نہ تلوار نہ تیر

کاٹ جائے گی گلے سب کے یہ برّاں شمشیر

شیر ہوں لختِ دل غالبِ ہر غالب ہوں

میں جگر بند علیؔ ابنِ ابی طالبؔ ہوں

مجھ کو ہوتا نہ اگر بخششِ امت کا خیال

روک لیتا مجھے رستہ میں، یہ حر کی تھی مجال

تھام سکتا تھا، لجامِ فرسِ برق مثال

پوچھ لو دیکھا ہے اس نے، مرے شیروں کا جلال

گفتگو میں سپر اس کی جو نہ ہم، ہو جاتے

ہاتھ اِک وار میں، پہونچوں سے قلم ہو جاتے

غیظ سے ہاتھ چباتے تھے علیؔ کے دلدار

نیمچے تولتے تھے عون و محمد ہر بار

اگلی پڑتی تھی جگر بند حسنؔ کی تلوار

میں نے جب سر کی قسم دی تو رکے وہ جرار

چلتی تلوار تو جنگل تہ و بالا ہوتا

پھر نہ حُرؔ خلق میں ہوتا نہ رسالہ ہوتا

تھا یہ بپھرا ہوا عباسؔ مرا شیر جواں

سینۂ حُرؔ پہ رکھے دیتا تھا، نیزے کی سناں

میں یہ کرتا تھا اشارہ کہ، نہ اے بھائی جاں

رحم لازم ہے ہمیں، ہم ہیں امامِ دو جہاں

کچھ تردد نہیں، سر تن سے اتارا جائے

کوئی بندہ نہ مرے ہاتھ سے مارا جائے

گرچہ یہ امر نہیں، اہل سخا کے شایاں

کہ کسی شخص کو کچھ دے کے کرے سب پہ عیاں

پوچھ لو حرؔ تو ہے موجود، عیاں راچہ بیاں

اسی جنگل میں، مع فوج تھا، یہ تشنہ دہاں

شور تھا آج، چلیں جسم سے جانیں سب کی

منہ کے باہر نکل آئی تھیں زبانیں سب کی

زیست ہر شے کی ہے، پانی سے، شجر ہو کہ بشر

مجھ سے دیکھا نہ گیا، میں تو سخی کا ہوں پسر

میں نے عباسؔ دلاور سے کہا، گھبرا کر

مشکوں والے ہیں کہاں، اونٹ ہیں پانی کے کدھر

کرم ساقیٔ کوثر کو دکھا دو بھائی

جتنا پانی ہے وہ پیاسوں کو پلا دو بھائی

رہ نہ جائے کوئی گھوڑا کوئی ناقہ بے آب

چھاگلیں جلد منگاؤ، مرا دل ہے بے تاب

سقے مشکیزوں کا منہ کھول کے آ پہونچے شتاب

متوجہ ہوا میں خود کہ، وہ تھا، کارِ ثواب

چین آیا نہ مجھے، بے انہیں آرام دیئے

تھا جو اک جام کا پیاسا، اسے دو جام دیئے

تھی یہی فصل یہی دھوپ یہی گرم ہوا

ٹھنڈے پانی پہ گرے پڑتے تھے، حُرؔ کے رفقا

تشنہ کاموں کا یہ مجمع تھا کہ ملتی نہ تھی جا

سقے بھر بھر کے کٹوروں کو یہ دیتے تھے صدا

بھائیو آؤ، جو پانی کی طلب گاری ہے

چشمۂ فیضِ حسینؔ ابنِ علیؔ جاری ہے

آبِ شیریں کا جو دریا ہوا جنگل میں رواں

فرس و اشتر، و قاطر نہ رہے تشنہ دہاں

شکر کرنے لگے تر ہو گئی، ہر خشک زباں

پانی پی پی کے دعائیں مجھے دیتے تھے جواں

شور تھا ابنِ یداللہ نے جاں بخشی کی

دین و دنیا کے شہنشاہ نے جاں بخشی کی

ایک دن وہ تھا اور اک دن یہ ہے، اللہ اللہ

کہ اسی طرح، ہمیں پیاس میں، پانی کی ہے چاہ

چشم امید ہو کیا، سب نے پھرالی ہے نگاہ

کوئی اک جام بھی بھر کر ہمیں دیتا نہیں آہ

ہر مسلماں پہ نبیؐ زادے کا حق ہوتا ہے

بچے روتے ہیں تو سینہ مرا شق ہوتا ہے

کئی معصوم ہیں کمسن جو موئے جاتے ہیں

دم اکھڑتا ہے مرا جب انہیں غش آتے ہیں

پانی پانی جو وہ کہتے ہیں تو شرماتے ہیں

پاس دریا ہے پہ اک بوند نہیں پاتے ہیں

سچ ہے غربت کی عجب شام و سحر ہوتی ہے

تیسرا دن ہے، کہ فاقوں میں بسر ہوتی ہے

شہ کہ مظلومی پہ گریاں ہوئی ظالم کی سپاہ

عمرِ سعدؔ نے کی، مڑ کے رخِ حُرؔ پہ نگاہ

بولا وہ اشہد باللہ، بجا کہتے ہیں شاہ

محسن و منعم و آقا ہے مرا یہ ذی جاہ

اِن کے احسان کا کیوں کر کوئی منکر ہو جائے

سخن حق میں جو شک لائے وہ کافر ہو جائے

ایک میں کیا ہوں، زمانے پہ ہے احساں اِن کا

ابرِ رحمت ہیں خطا پوش ہے داماں، اِن کا

خشک و تر پر ہے کرم، خلق میں، یکساں ان کا

ہے خوشا حال جو غربت میں ہو مہماں ان کا

جنّتی ہے جسے حاصل یہ شرف ہوجائے

جو ادھر ہو گا خدا اس کی طرف ہو جائے

یہ ابھی ہاتھ اٹھا کر جو دعا فرمائیں

جتنے عالم کے گنہگار ہیں بخشے جائیں

حق سے جس شے کے طلب گار ہوں، فوراً پائیں

جامِ کوثر یہیں فردوس سے حوریں لائیں

مثلِ خورشید ہے روشن وہ شرف ان کا ہے

یہ وہ بندے ہیں، کہ اللہ پہ حق جن کا ہے

ان سے قطرہ کوئی مانگے تو گہر دیتے ہیں

ہیں سخی ابنِ سخی بات پہ سر دیتے ہیں

پیٹ سائل کا یہ فاقوں میں بھی بھر دیتے ہیں

یاں تور زر دیتے ہیں، فردوس میں گھر دیتے ہیں

آس مجرم کی، گنہ گار کی امید ہیں یہ

ذرہ پرور جنہیں کہتے ہیں، وہ خورشید ہیں یہ

حُرؔ سے گھبرا کے یہ بولا عمرِؔ سعدِ شریر

یہ تو ہے صاف طرفداریِٔ شہ کی تقریر

اپنے حاکم کا نہ کچھ ذکر نہ تعریفِ امیر

اللہ اللہ یہ اوصاف، یہ مدحِ شبیر

سن چکا ہوں میں، کہ مضطر ہے کئی راتوں سے

الفتِ شاہ ٹپکتی ہے تری باتوں سے

نہ وہ آنکھیں، نہ وہ چتون، نہ وہ تیور، نہ مزاج

سیدھی باتوں میں بگڑنا یہ نیا طور ہے آج

تخت بخشا ہے محمدؐ کے نواسے نے کہ تاج

جن کو سمجھا ہے غنی دل میں، وہ خود ہیں محتاج

کون سا باغ تجھے شاہ نے دکھلایا ہے

کہیں کوثر کے تو چھینٹوں میں نہیں آیا ہے

کیا کسی حور کا، دکھلا دیا، حضرت نے جمال

ملک گیا سایۂ طوبیٰ کہ جو ایسا ہے نہال

قصرِ یاقوت میں پہونچا، جو ترا رنگ ہے لال

کون سے میوۂ شیریں پہ ٹپکتی ہے رال

دفعتہً حقِّ نمک کو بھی فراموش کیا

کیا تجھے بادۂ تسنیم نے بے ہوش کیا

میں جہاں دیدہ ہوں، سب مجھکو خبر ہے تیری

قرّۃالعین محمدؐ پہ نظر ہے تیری

ہونٹ بھی خشک ہیں اور چشم بھی تر ہے تیری

جسم خاکی ہے اِدھر، جان اُدھر ہے تیری

راہ میں کچھ جو سلوک اور نوازش کی ہے

تو نے فرزندِ ید اللہ سے سازش کی ہے

خیر مخفی نہ رہے گا یہ قصور اور فتور

لکھیں گے عہدۂ اخبار پہ جو ہیں مامور

حاکمِ شام ہے جابر، وہ سزا دے گا ضرور

گر تجھے دار پہ کھینچے، تو کچھ اس سے نہیں دور

سب تری قوم کے سر تن سے جدا ہوئیں گے

زن و فرزند، گرفتارِ بلا ہوئیں گے

نفع اس امر میں جس میں میں ہو مردم کا ضرر

آنکھیں نکلیں گی، محبت سے جو دیکھے گا اُدھر

شجرِ قامتِ سرور پہ، جو ڈالے گا نظر

سر چڑھے گا ترا برچھی پہ، یہ ہے اس کا ثمر

الفتِ زلف سے بھی پیچ میں تو آئے گا

خال رخ دیکھا، تو گھر خانصے لگ جائے گا

بدرِ پیشانیٔ سرور کا ہے جو سر میں خیال

تو اسی ماہ میں نقصاں ترا ہوئے گا کمال

سب میں ہو جائے گا انگشت نما شکل ہلال

تیر و شمشیر ہے، ابرو کی محبت کا مآل

عشق رخسار میں، رتبہ ترا گھٹ جائے گا

منہ پہ کہتا ہوں کہ چہرہ ابھی کٹ جائے گا

خوف کس بات کا پیاسوں سے یہ تھرّانا کیا

لب پہ ہر مرتبہ، بیکس کی ثنا لانا کیا

ننگ کی بات ہے دشمن کی طرف جانا کیا

ہو نبی یا کہ وصی جنگ میں شرمانا کیا

ابھی لے جائیں جو شبیر کا سر ہاتھ لگے

خلد ہم اس کو سمجھتے ہیں کہ زر ہاتھ لگے

حرؔ پکارا کہ زباں بند کراو نا ہموار

قابلِ لعن ہے تو اور وہ تیرا سردار

ابن زہراؔ ہے جگر بند رسولِ مختار

میرا کیا منہ جو کروں مدحِ امامِ ابرار

اک زمانہ صفِت آلِ عبا کرتا ہے

آپ قرآں میں خدا ان کی ثنا کرتا ہے

وصف ایسوں کا زباں پر کوئی کیونکر لائے

تین سو آئے ہوں، تعریف میں جن کی، آئے

کسی انساں نے یہ دنیا میں ہیں رتبے پائے

اپنا محبوب و ولی جس کو خدا فرمائے

الفتِ آل میں مریئے تو خوش اقبالی ہے

سنگ ہے ان کی محبت سے جو دل خالی ہے

اسفلوں سے ہے محبت تجھے اور سفلہ مزاج

خاک پا اس کی ہوں میں ہے جو سرِ عرش کا تاج

جس کو کاندھے پہ محمدؔ کے ملی ہے معراج

میرے آقا سا سخی کون ہے کونین میں آج

کیوں ترے سامنے مکروں کو نہیں بخشا ہے

ہاں، مجھے شاہ نے، فردوس بریں بخشا ہے

باغ جو مجھ کو دکھایا اسے کیا جانے تو

راحتِ روح ہے، جس باغ کے ہر پھول کو بو

مجھ کو اللہ نے بخشیں ہیں وہ حوریں خوش رو

کہ جنہیں تیرے فرشتوں نے نہ دیکھا ہو کبھو

نام کوثر کا نہ لے تو مجھے جوش آتا ہے

انہیں چھینٹوں سے تو بیہوش کو ہوش آتا ہے

عزتِ دیں شرفِ کون و مکاں ہیں شبیرؔ

جانِ زہراؔ ہیں محمدؐ کی زباں ہیں شبیرؔ

سنگ پانی ہو، وہ اعجاز بیاں ہیں شبیرؔ

جان کیوں ہو نہ ادھر، جانِ جہاں ہیں شبیرؔ

مہرباں ہوں تو ابھی عقدہ کشائی ہووے

وہ نہ بخشیں تو خدا تک نہ رسائی ہووے

کیا میں اور کیا وہ ریاست مری، کیا میرے عیال

جبکہ آفت میں پھنسے احمدِ مختار کی آل

داں کی املاک و زراعت کا ہو کیا مجھ کو خیال

یاں ہوئی جاتی ہے سادات کی کھیتی پامال

گھر کا اب دھیان نہ بچوں کا الم ہے مجھ کو

خانہ بربادیِٔ شبیرؔ کا غم ہے مجھ کو

دولتِ حاکم دوں پر ہے ترا دار و مدار

دارِ دنیا سے تعلق نہیں رکھتے، دیں دار

کیا مجھے دار پہ کھنیچے گا، وہ ظالم غدار

خوابِ غفلت ہے اسے او مرے طالع بے دار

کسی سردار نے یہ اوج نہ پایا ہوگا

دارِ طوبیٰ کا مرے فرق پہ سایہ ہوگا

ہے سر افراز سدا عاشق پیشانیِٔ شاہ

سجدے کیجے کہ ہے بیت ابروؤں کی بیت اللہ

عشق آنکھوں کا ہے مردم کے لئے نورِ نگاہ

ہے وہ یوسف جسے ہو مصحفِ رخسار کی چاہ

عاشق لب کو خدا لعل و گہر دیتا ہے

وہ دہن، چشمۂ کوثر کی خبر دیتا ہے

خالِ رخسار نہیںِ گوئے سعادت ہے یہ

مجھ سے مجرم کے لئے مہر شفاعت ہے یہ

ہوں جو آشفتۂ گیسو تو عبارت ہے یہ

بخدا سلسلۂ بخششِ امت ہے یہ

شب معراجِ رسولِ دو جہاں سمجھا ہوں

اس کے ہر تار کو میں رشتۂ جاں سمجھا ہوں

وصفِ دنداں میں زبان جس کی رہے گوہر بار

موتیوں سے دہن اس شخص کا بھر دے غفار

شوق میں سیب ذقن کے جسے آئے نہ قرار

حوریں غرفے سے دکھائیں اسے رنگِ رخسار

دم بہ دم چاہنے والوں کے لہو گھٹتے ہیں

یہ گلا وہ ہے گلے، جس کے لئے کٹتے ہیں

صدقے اُس سینے پہ ہیں، عاشقِ صافی سینا

خاک اس دل پہ جو اس سینے سے رکھے کینا

حق نما ہے تو جہاں میں ہے یہی آئینا

اس کا عاشق ہو تو، ہوں کور کی آنکھیں بینا

فیض پاتا ہے وہ دل جس میں ولا ہوتی ہے

چشم کو اس کی زیارت سے جلا ہوتی ہے

پاؤں یہ وہ ہیں کہ ان پاؤں کو جو ہاتھ لگائے

تو سر دست سر افرازیِٔ کونین وہ پائے

گردِ نعلین مبارک، جو اثر اپنا دکھائے

توتیا ہوئے خجل، کحلِ جواہر شرمائے

صدقے کر دیں گے سر ان پاؤں پہ ہم ایسے ہیں

دوشِ احمدؔ پہ رہے جو، یہ قدم ایسے ہیں

عملِ خیر سے بہکا نہ مجھے او ابلیس

یہی کونین کا مالک ہے یہی راس و رئیس

کیا مجھے دے گا ترا حاکم ملعون و خسیس

کچھ تردد نہیں کہہ دے کہ لکھے پرچہ نویس

ہاں سوئے ابنِ شہنشاہ عرب جاتا ہوں

لے ستمگر، جو نہ جاتا تھا تو اب جاتا ہوں

کہہ کے ڈاب سے غازی نے نکالی تلوار

سرخ آنکھیں ہوئی ابرو پہ بل آئے اک بار

تن کے دیکھا طرفِ فوجِ امامِ ابرار

پاؤں رکھنے لگا بن بن کے زمیں پر رہوار

غل ہوا سیدِ والا کا ولی جاتا ہے

لو طرف دار حسینؔ ابنِ علیؔ جاتا ہے

حرؔ نے نعرہ کیا، یا حیدرؔ صفدر مددے

وقتِ امداد ہے، یا فاتحِ خیبر مددے

زوجِ زہراؔ مددے، نفس پیمبر مددے

بندۂ آل ہوں، یا خواجۂ قنبر مددے

تنِ تنہا ہے غلام، اور بہت اظلم ہیں

آئی آواز کہ اے حرؔ ترے حامی ہم ہیں

مل گئی راہِ خدا واہ رے اقبال ترا

پاک عصیاں سے ہوا نامۂ اعمال ترا

جرمِ ماضی ہوئے سب عفو خوشا حال ترا

جلد جا جلد کہ شائق ہے مرا لال ترا

مرد ہے جس کی یہ ہمت یہ ارادہ ہووے

ہاں بہادر تری توفیق زیادہ ہووے

منتظر ہیں ترے سب فوجِ حسینی کے جواں

درِ فردوس پہ مشتاق کھڑا ہے رضواں

راہ تکتی ہیں تری دیر سے حورانِ جناں

شور کوثر پہ ہے شبیرؔ کا مہماں ہے کہاں

فوجِ قدسی تری ہمت کی ثنا کرتی ہے

فاطمہؔ آج ترے حق میں دعا کرتی ہے

تو بہشتی ہے، یہ کافر ہیں کنشتی اے حرؔ

مٹ گئی سب ترے اعمال کی زشتی اے حرؔ

دیکھ اب صورتِ حورانِ بہشتی اے حرؔ

کس تلاطم میں بچی ہے تری کشتی اے حرؔ

غضب اللہ کا شبیرؔ کی ناراضی ہے

پنجتن تجھ سے ہیں راضی تو خدا راضی ہے

اور بالیدہ ہوا سن کے یہ مژدہ وہ حزبر

دل بیتاب پکارا کہ نہیں طاقتِ صبر

اب تو اس فوج میں اک دم کی بھی تعویق ہے جبر

قعرِ دوزخ ہے، مسلماں کے لئے صحبت گبر

ہاں اٹھا باگ، جو شیدائے شہِ عالی ہے

فوج اللہ و نبی میں تری جا خالی ہے

سن کے یہ باگ جو لی، اسپ سبک تاز اڑا

ڈر سے رنگِ عمرِ شعبدہ پرواز اڑا

کیا اڑا رخش، کہ طاؤس بصد ناز اڑا

دی پرندوں نے یہ آواز کہ شہباز اڑا

باغِ زہراؔ میں، نسیم سحری جاتی ہے

غل تھا دربار سلیماں میں پری جاتی ہے

کیا دو تین رسالوں نے تعاقب ہر چند

حرؔ کا ہاتھ آنا تو کیسا نہ ملی گردِ سمند

کہتے تھے شرم سے وہ لے کے جو دوڑے تھے کمند

یہ چھلاوا تھا کہ آندھی، یہ فرس تھا کہ پرند

کیا سبک سوئے چمن بادِ بہاری پہونچی

ہم یہیں رہ گئے واں حرؔ کی سواری پہونچی

یاں ہوئے علمِ امامت سے شہِ دیں آگاہ

ہنس کے عباسؔ سے فرمایا کہ اے غیرتِ ماہ

میرے لشکر کی طرف ہے رخِ حرّ ذی جاہ

سب سے کہہ دو کہ نہ روکے کوئی اس شخص کی راہ

جاؤ لینے کو عجب رتبہ شناس آتا ہے

میرا مہماں، مرا عاشق، مرے پاس آتا ہے

ذکر یہ تھا کہ صدا دور سے آئی اِک بار

الغیاث اے جگر و جانِ رسولِ مختار

مجرم ایسا ہوں، کہ عصیاں کا نہیں جس کے شمار

عفو کر عفو کر، اے چشمۂ فیضِ غفار

پار دریائے خطا سے مری کشتی ہو جائے

دوزخی بھی ترے صدقے سے بہشتی ہو جائے

کئی روزوں سے تلاطم میں ہوں، اے شاہنشاہ

مدد اے نوحِ غریباں، مرا بیڑا ہے تباہ

دست و پا گم ہیں کچھ ایسے کہ نہیں سوجھتی راہ

شور کرتا ہوں کہ بتلائے کوئی جائے پناہ

ابرِ رحمت کی طرف جا یہ صدا دیتے ہیں

سب ترے دامنِ دولت کا پتا دیتے ہیں

ترے دامن کے نثار اے مرے آقائے جلیل

رحم کر رحم کہ شرمندہ ہے یہ عبد ذلیل

دل خنک ہوئے جو نکلے کوئی کوثر کی سبیل

جان آ جائے جو مولائے دو عالم ہوں کفیل

نہ وزیروں میں یہ ہمت نہ شہنشاہ میں ہے

سب مرے درد کا درماں، تری درگاہ میں ہے

خلق میں آپ کے والد کا کرم ہے مشہور

بات میں بخش دیئے سینکڑوں بندوں کے قصور

مجھ سے ہیں باگ پکڑ لینے پہ آزردہ حضور

بخش دیجے تو کرم سے نہیں کچھ آپ کے دور

یہ تو کیونکر کہوں، میں لائقِ تعزیر نہیں

مگر اسود سے زیادہ مری تقصیر نہیں

اے مددگار و معین الضعفا، ادرکنی

اے خبر گیر گروہ غربا، ادرکنی

پاؤں لغزش میں ہیں اے دست خدا ادرکنی

ہاتھ باندھے ہوں میں اے عقدہ کشا، ادرکنی

دیجئے حر کو سند نار سے آزادی کی

آیئے جلد خبر لیجئے فریادی کی

مرے اعمال میں ہر چند سراسر ہے بدی

ہوں گہنگارِ خدائے ازلی و ابدی

آپ ہیں مالکِ سرکارِ جنابِ احدی

اے خداوندِ جہاں خُذ بیدی خُذ بیدی

جو تہی دست ہیں تکتے ہیں شہنشاہ کا ہاتھ

آپ کا ہاتھ زمانے میں ہے اللہ کا ہاتھ

ایک یہ خستہ تن اور درپئے جاں لاکھ حریف

اے سلیماں کہیں پامال نہ ہو مورِ ضعیف

چھوڑ کر آپ کی سرکار، کہاں جائے نحیف

کیجئے اب نظر لطف، کہ ہوتا ہے خفیف

ہوں سرافراز جو اتنا ہی کرم ہو جائے

نام قنبرؔ کے غلاموں میں رقم ہو جائے

استغاثہ یہ کیا حُرؔ نے جو بادیدۂ نم

آ گیا جوش میں اللہ کا دریائے کرم

خود بڑھا ہاتھوں کو پھیلائے ہوئے شہنشاہِ امم

حرُ کو یہ ہاتفِ غیبی نے صدا دی اس دم

شکر کر سبط رسول الثقلین آتے ہیں

لے بہادر ترے لینے کو حسین آتے ہیں

حرُ نے دیکھا کہ چلے آتے ہیں پیدل شبیرؔ

دوڑ کر چوم لئے پائے شہ عرشِ سریر

شہ نے چھاتی سے لگا کر کہا اے با توقیر

میں نے بخشی، مرے اللہ نے بخشی تقصیر

میں رضا مند ہوں کس واسطے مضطر ہے تو

مجھ کو عباسؔ دلاور کے برابر ہے تو

کس کے کیوں باندھا ہے ہاتھوں کو میں ہوتا ہوں خجل

سہل کر دیں اسے گر اور کوئی ہو مشکل

بھائی آ، مجھ سے بغل گیر تو ہو، کھول کے دل

غافر و راحم و تواب ہے ربِ عادل

جرم سب محو کئے حق نے ترے دفتر سے

آج پیدا ہوا گویا شکمِ مادر سے

حرؔ پکارا بابیِ انت و امی یا شاہ

قابل عفو نہ تھے بندۂ آثم کے گناہ

مجھ سے گمراہ کو اک آن میں مل جائے یہ راہ

سب ہے صدقہ انہیں قدموں کا خدا ہے آگاہ

مہر ذرے پہ جو ہو نیرِ تاباں ہو جائے

آپ جس مور کو چاہیں وہ سلیماں ہو جائے

کون مقدادؔ تھے سلمانؔ و آباذرؔ تھے کون

آپ فرمائیں کہ عمارِؔ دلاور تھے کون

شور عالم میں جو ہے، مالکِؔ اشتر تھے کون

اے خداوندِ جہاں حضرتِ قنبرؔ تھے کون

انہیں قدموں کا تصدق تھا کہ ممتاز ہوئے

اسی سرکار کے خلعت سے سر افراز ہوئے

شہ نے فرمایا کہ خالق کی عنایت ہے یہ سب

دے کسی شخص کو بندے میں یہ مقدور ہے کب

اس مسبب کی عنایت کے یہ سارے ہیں سبب

وہی منعم، وہی محسن، وہی رازق، وہی رب

اپنے کیسے سے نہ دام اور درم دیتے ہیں

جب وہ خالق ہمیں دیتا ہے تو ہم دیتے ہیں

لاکھ ہاتھ اس کے ہیں دینے کے وہ ایسا ہے جواد

ہم اسے بھولیں تو بھولیں، وہ ہمیں رکھتا ہے یاد

رزق وہ حوصلۂ حرص سے دیتا ہے زیاد

شکر کرتے نہیں معبود کا اس پر بھی عباد

وہ غنی ہے کہ ہے محتاج زمانہ اس کا

کبھی خالی نہیں ہوتا ہے خزانہ اس کا

جس قدر اس سے طلب کیجئے خوشنود ہے وہ

صاحبِ جود ہے وہاب ہے، محمود ہے وہ

ہاتھ پھیلائے جو سو بار تو، موجود ہے وہ

بخش دیتا ہے کہ ہم عبد ہیں، معبود ہے وہ

پرورش جرم پہ بھی، صبح و مسا ہوتی ہے

یاں سے ہوتی ہے خطا واں سے عطا ہوتی ہے

کہہ کے یہ ساتھ لئے حُرؔ کو چلے شاہِ امم

ہاتھ میں ہاتھ تھا مہمان کا، اللہ رے کرم

راس و چپ قاسمؔ و اکبرؔ تھے، زہے شان و حشم

سر پہ کھولے ہوئے تھے حضرتِ عباس علم

دورسے اہلِ خطا، تیر جو برساتے تھے

رفقا سائے میں ڈھالوں کے لئے آتے تھے

لائے اس عزت و حرمت سے جو مہماں کو امام

بولے عباس کمر کھول، اب اے نیک انجام

شہ نے فرمایا مناسب ہے کوئی دم آرام

عرض کی حُرؔ نے کمر خلد میں کھولے گا غلام

فاتحہ پڑھ کے، یہ شمشیر و سپر باندھی ہے

آج اس عزم پہ خادم نے کمر باندھی ہے

ہے بہت شمر و عمر سے مجھے لڑنے کی امنگ

ایک ہی وار میں دونوں کا کروں گا چورنگ

لشکرِ شام سے پہیم چلے آتے ہیں، خدنگ

شاہزادوں کے سپر ہوں، کہ عبادت ہے جنگ

لیکن ایسا نہ ہو بچہ کوئی بے جاں ہو جائے

پہلے یہ تازہ غلام آپ پہ قرباں ہو جائے

شہ نے فرمایا کہ دشوار ہے فرقت تیری

مجھکو مر کر بھی نہ بھولے گی محبت تیری

وا دریغا، ہوئی کچھ ہم سے نہ خدمت تیری

خیر فردوس میں ہو جائے گی دعوت تیری

آج رتبہ ترا خیلِ شہدا میں ہوگا

شب کو تو صحبتِ محبوب خدا میں ہوگا

تجھ پہ مخفی نہیں ہفتم سے جو کچھ ہے مرا حال

راہیں ہر سمت کی روکے ہوئے ہیں اہلِ ضلال

قحط پانی کا ہے اس دشت میں گندم کا ہے کال

نانِ جو کا بھی ہے ملنا کسی قریے میں محال

سب کو ایذا عوضِ آب و غدا ملتی ہے

دودھ اصغرؔ کو نہ عابدؔ کو دوا ملتی ہے

حُرؔ نے رو کر سرِ تسلم جھکایا بہ ادب

شہ نے رومال رکھا آنکھوں پہ رونے لگے سب

جب چڑھا گھوڑے پہ وہ عاشقِ سلطانِ عرب

شاہ بولے کہ عجب دوست چھٹا ہائے غضب

دم بہ دم یاں سے جو آوازِ بکا جاتی تھی

گریۂ آلِ محمد کی صدا آتی تھی

حُرؔ چلا فوج مخالف پہ اڑا کے توسن

چوکڑی بھول گئے جس کی تگاپو سے ہرن

وہ جلال اور وہ شوکت، وہ غضب کی چتون

ہاتھ میں تیغ، کماں دوش پہ بر میں جوشن

دوسرے دوش پہ شملے کے جو بل کھاتے تھے

کاکلِ حور کے سب پیچ کھلے جاتے تھے

زور بازو کا نمایاں تھا بھرے شانوں سے

دستِ فولاد دبا جاتا تھا دستانوں سے

برچھیوں اڑتا تھا دب دب کے فرس رانوں سے

آنکھ لڑ جاتی تھی، دریا کے نگہبانوں سے

خودِ رومی کی، جو ضو، تابہ فلک کھاتے تھے

چشمِ خورشید میں بجلی سی چمک جاتی تھی

نیزۂ حُرؔ کی سناں پر نہ ٹھہرتی تھی نگاہ

تھا یہ ظاہر کہ نکالے ہے زباں مارِ سیاہ

قبضۂ تیغ پہ رکھے تھی سر عجز پناہ

آفتابی وہ سپر، جس سے خجل گردۂ ماہ

قدر اندازوں کو جانوں کے ادھر لالے تھے

تیر ترکش میں نہ تھے آگ کے پرکالے تھے

رن میں جب شہ کی طرف سے حُرِؔ دیں دار آیا

کس بشاشت سے اڑاتا ہوا رہوار آیا

غل ہوا سید مظلوم کا، غم خوار آیا

جاں نثارِ خلفِ حیدرِ کرّار آیا

تتّق نور سرِ راہ نظر آتا ہے

جلوۂ قدرتِ اللہ نظر آتا ہے

آنے جانے کا بہادر کے کروں کیا مذکور

پہلے کچھ اور ہی جلوہ تھا، پر اب اور ظہور

اے خوشا رتبہ فیضِ قدمِ پاک حضور

غل تھا آتا ہے ملک پہنے ہوئے خلعتِ نور

صحبت اہلِ ولا، دل کو جلا کرتی ہے

مس کو اک آن مین اِکسیر طلا کرتی ہے

واہ کیا فیض ہے، سرکارِ شہِ عالم میں

ذرۂِ خاک کو خورشید کیا، اک دم میں

نور یہ حور میں دیکھا، نہ بنی آدم میں

یہ وہی حُرِؔ جری ہے جو ابھی تھا ہم میں

تن ہے خوش بو، رخِ گل رنگ تر و تازہ ہے

خاک نعلینِ مبارک کی عجب غازہ ہے

مہر ذرہ ہے جہاں، چہرۂ روشن ایسا

چاند بھی جس سے کرے کسبِ ضیا، تن ایسا

حرز ہو، بازوئے داؤد کا، جوشن ایسا

ہوش پریوں کے اڑے جاتے ہیں توسن ایسا

گلشنِ دہر میں لو بادِ بہاری آئی

قاف میں غل ہے، سلیماں کی سواری آئی

حُرؔ پکارا کہ بجا کہتے ہو بے شک لاریب

دامنِ حضرتِ شبیرؔ نے ڈھانپے مرے عیب

دولتِ دیں سے نہ دامن مرا خالی ہے نہ جیب

بارک اللہ کی دیتا ہے صدا ہاتفِ غیب

فیض پا کر پئے شمشیر زنی آیا ہوں

یاں سے محتاج گیا واں سے غنی آیا ہوں

مجھکو خورشید کیا نورِ خدا کی ضو نے

نور بخشا قمرِ فاطمہؔ کے پرتو نے

بخت پائے ہیں سکندرؔ کے غلامِ نو نے

گنج وہ لایا ہوں دیکھا جو نہ تھا خسرو نے

دَور دَور آج سے میرا ہے، زمانہ میرا

کبھی خالی نہیں ہونے کا خزانہ میرا

رخِ روشن کو مرے تکتے ہو کیا حسرت سے

مَل کے آیا ہوں منہ اپنا قدمِ حضرت سے

نور وہ ہے جسے دیکھیں، نظرِ رغبت سے

وائے وہ لوگ، جو محروم ہیں اس دولت سے

مجھکو بھی دیکھ کے بیدار نہیں ہوتے ہو

ہے غضب آنکھیں تو کھولے ہو، مگر سوتے ہو

جانِ سلطانِ رسالت کو غنیمت جانو

پسرِ شاہِ ولایت کو غنیمت جانو

نورِ خالق کی زیارت کو غنیمت جانو

قمر برج امامت کو غنیمت جانو

ساتھ اس کے برکت خلق سے اٹھ جائے گی

پھر جو ڈھونڈو گے یہ دولت تو نہ ہاتھ آئے گی

ایک سید کے مٹا دینے میں ہے کون سا نام

اس ہوا پر ہو کہ بجھ جائے چراغِ اسلام

گر ہو دانا تو کہو بد ہے کہ ہے نیک یہ کام

خوش نما کب ہے وہ تسبیح، نہ ہو جس میں امام

شکرِ احسانِ جناب احدی کرتے ہیں

پیشوا سے، کہیں پیرو بھی بدی کرتے ہیں

یہ سخن سن کے پکارا پسرِ سعد شریر

ہاں طرف دارِ شہِ دیں پہ چلیں نیزہ و تیر

لئے حربوں کو بڑھا فوج کا انبوہِ کثیر

فاتحہ پڑھ کے جواں مرد نے کھینچی شمشیر

حُرؔ کا منہ سرخ ہوا، فوجِ ستم زرد ہوئی

شعلۂ تیغ سے بجلی کی چمک گرد ہوئی

رعد تھرا گیا نعرے جو سنے ضیغم کے

استخواں کانپ گئے زیرِ زمیں رستم کے

تہ و بالا ہوئیں لشکر کی صفیں جم جم کے

برقِ شمشیر سے ڈر ڈر کے فرس بھی چمکے

نوبتِ جنگ نہ آئی تھی کہ دل ٹوٹ گئے

بیرقیں گر گئیں ہاتھوں سے نشاں چھوٹ گئے

چھیڑ کر باگ، فرس کو جو ذرا گرمایا

غیظ میں آن کے گھوڑا بھی غضب کف لایا

شیر سا فوجِ مخالف پہ جھپٹ کر آیا

روند ڈالا اسے دم میں جسے سرکش پایا

اس کا قاتل تھا جو دشمن شہِ عالی کا تھا

کاٹ ہر نعل میں شمشیر ہلالی کا تھا

حشر برپا تھا کہ تیغِ حُؔرِ ذی جاہ چلی

آگ برسانے کو بجلی سوئے جنگاہ چلی

کس کرشمے سے وہ لیلیٰ ظفر، راہ چلی

گہ تھمی گاہ بڑھ گاہ رکی گاہ چلی

زخم سینوں کے گریباں کی طرح پھٹتے تھے

چال کیا تھی کہ ہزاروں کے گلے کٹتے تھے

کیں صفیں صاف، مگر منہ کی صفائی نہ گئی

کج ادائی کو نہ چھوڑا، وہ لڑائی نہ گئی

کاٹ چھانٹ اور وہ لگاوٹ وہ رُکھائی نہ گئی

سیکڑوں خون کئے اور کہیں آئی نہ گئی

شور تھا برق، پئے جلوہ گری نکلی ہے

جان لینے کو اجل بن کے پری نکلی ہے

جس طرف دیدۂ جوہر سے نظر کرتی ہے

پل نہ گذرے کہ صفیں، زیر و زبر کرتی ہے

چشم ہر چند کہ پتلی کو، سپر کرتی ہے

ہے وہ طرار، کہ آنکھوں میں یہ گھر کرتی ہے

اس کے افسوں سے جو ساحر ہو تو جل جاتا ہے

سحر پریوں کا اسی طرح سے چل جاتا ہے

پھونکے بجلی کو یہ اس آگ کی ہے، پرکالا

کاٹ جائے تو کبھی لہر نہ لے پھر کالا

برچھیاں چل گئیں اس پر جسے دیکھا بھالا

آ گیا دام میں جس شخص پہ ڈورا ڈالا

اس کے پانی مین کفِ مارِ سیہ گھولا ہے

باڑھ ہے یا ملک الموت نے منہ کھولا ہے

آئی جس غول پہ لاشوں سے زمیں پاٹ گئی

دست و پا، صدر و کمر، گردن و سر کاٹ گئی

چاٹ ایسی تھی لہو کی، کہ صفیں چاٹ گئی

دیکھی تیغوں کی جدھر باڑھ، اسی گھاٹ گئی

جس پہ جاتی تھی، نہ بے جان لئے پھرتی تھی

ایک بجلی تھی، مگر لاکھ جگہ گرتی تھی

گل نئے پھولے جو برچھی پہ لگا پھل اس کا

زور دکھلاتا تھا، ہر ضرب میں کس بل، اس

ڈھیر تھا خاک پہ کاٹا ہوا جنگل، اس کا

جو بڑھا جنگ میں قصہ ہوا فیصل اس کا

شور تھا دیکھئے کیوں کر یہ بلا ٹلتی ہے

اس قدر جلد تو سیفی بھی نہیں چلتی ہے

جنگ میں تیغ کو دعویٰ تھا کہ یکتا ہوں میں

سر اٹھایا تھا یہ گھوڑے نے کہ عنقا ہوں میں

چرخ کہتا تھا کہ یارب تہ و بالا ہوں میں

برق کہتی تھی کہ تلوار ہے یہ، یا ہوں میں

کس میں ہے یہ جو تڑپ زیر فلک میری ہے

تیغ کرتی تھی اشارہ یہ چمک میری ہے

نہ تھمی سنگ سے وہ اور نہ رکی آہن سے

ہاتھ اڑا لے گئی پہونچوں سے تو سر گردن سے

نہ اٹھی اس کی کڑی ضرب، کسی جوشن سے

چل گئی بادِ مخالف جدھر آئی، سن سے

جوش طوفاں کا دکھا کر وہ خوش اسلوب گئی

خوں کے دریا میں ہر اک کشتیٔ تن ڈوب گئی

کثرتِ جوہرِ ذاتی سے گو وہ جال میں تھی

پر تڑپ صورتِ ماہی وہی ہر حال میں تھی

تھی چمک جانے میں بجلی، تو پری چال میں تھی

کبھی مغفر میں، کبھی سر میں، کبھی ڈھال میں تھی

کہیں دم لینے کی مہلت تھی نہ بسمل کے لئے

تھی جگر کے لئے برچھی تو چھری دل کے لئے

صید کرنے کو جدھر صورتِ شہباز آئی

لاکھ تڑپا پہ نہ بے جان لئے باز آئی

غل ہوا شہپرِ شاہیں کے تلے، قاز آئی

اڑ گیا طائرِ جاں اور نہ آواز آئی

گرچہ قبضے میں لئے تھی اسے پر چھوڑ دیا

تھا زبس صیدِ زبوں، کاٹ کے سر چھوڑ دیا

آب نے آتش سوزاں کا اثر دکھلایا

تاب نے مرگ مفاجات کا گھر، دکھلایا

باڑھ نے جادۂ صحرائے سقر، دکھلایا

کھاٹ نے آئینۂِ فتح و ظفر دکھلایا

تیغ کہتی تھی در فتح کی مفتاح ہوں میں

قول قبضے کا یہ تھا قابضِ ارواح ہوں میں

خم وہ پایا تھا کہ شرمائے ہلالِ مہِ عید

حُرؔ کے ہاتھ آ گئی تھی گلشنِ جنت کی کلید

برش ایسی تھی کہ کٹ کٹ گئی سب فوجِ یزید

جامۂ کفر کے پرزے تھے زہے قطع و برید

نہ بچا تارِ نفس خلق میں، جینے کے لئے

چاک زخموں کے فقط رہ گئے سینے کے لئے

کئی حملے کئے پیہم جو کمانداروں پر

چل گئے تیر ملامت کے خطا کاروں پر

چٹکیاں سب کی دھری رہ گئیں سوفاروں پر

رخ پھرا تھا کہ گری برق ستم گاروں پر

جل کے خرمن ہوا یوں خاک کو خوشہ نہ ملا

کشمکش میں کہیں چھپنے کا بھی گوشہ نہ ملا

نیزۂ فوجِ ستمگار تھے دیکھے بھالے

دم میں اس شیر نیستاں نے قلم کر ڈالے

گرچہ تھے جان لڑائے ہوئے لڑنے والے

آفتِ مرگ کو سر سے کوئی کیوں کر ٹالے

جب سواروں کے پرے جنگ پہ تُل جاتے تھے

بند سب ناخنِ شمشیر سے کُھل جاتے تھے

الف گرز کو کر دیتی تھی ہر ضرب میں، دال

تھی ئی آمد و رفت اور نئی طرح کی چال

کہیں برچھی کی اَنی تھی تو کہیں تیر کی بھال

کہیں تلوار، کہیں خنجرِ برّاں، کہیں ڈھال

ضرب کو روک کے دشمن کو فنا کرتی تھی

دم بہ دم فوج ستم گر بھی ثنا کرتی تھی

شور تھا آگ ہے تلوار میں یا پانی ہے

جل بجھی کشتیٔ تن خون میں طوفانی ہے

ضرب میں فرد ہے یہ زور میں لاثانی ہے

کہتا تھا حُرؔ یہ فقط قوتِ ایمانی ہے

زور تھا مجھ میں نہ ایسا، نہ وغا کی طاقت

سب ہے یہ سبطِ پیمبر کی دعا کی طاقت

کہہ کے یہ فوج میں پھر تشنہ جگر ڈوب گیا

ورطۂ قلزم آفت میں گہر ڈوب گیا

لشکرِ شام کے بادل میں قمر ڈوب گیا

کشمکش تھی کہ عرق میں گلِ تر ڈوب گیا

تھا کبھی شیر سا بپھرا ہوا شمشیروں میں

کبھی نیزوں کے نیستاں میں کبھی تیروں میں

گہ چھپا اور کبھی نکلا وہ مہ برج شرف

کبھی اس صف میں در آیا کبھی روندی وہ صف

کبھی دریا کے کنارے کبھی صحرا کی طرف

کبھی نعرہ تھا کہ صدقے ترے یا شاہِ نجف

جتنے مجروح تھے دم ان کے نکل جاتے تھے

شیر بھی نامِ علی سن کے دہل جاتے تھے

نخل تھراتے تھے سب گونج رہا تھا جنگل

سرکی جاتی تھی زمیں رن کی غضب تھی ہل چل

کوند جاتی تھی، سروں پر جو وہ شمشیر اجل

منہ کے بل گرتا تھا کوئی تو کوئی سر کے بل

حشر برپا تھا سواروں پہ فرس لوٹتے تھے

دو پہ چار، ایک پہ دو، پانچ پہ دس لوٹتے تھے

بڑھ کے فرماتے تھے عباسؔ، زہے عزت و جاہ

بارک اللہ کی دیتا تھا صدا دلبرِ شاہ

کہتے تھے ابنِ حسنؔ، واہ حرِ غازی واہ

شاہ ہر ضرب پہ فرماتے تھے، ماشاء اللہ

اپنی جاں بازی کا غازی جو صلہ پاتا تھا

مسکراتا ہوا تسلیم کو جھک جاتا تھا

حیف جھکنے میں لعینوں نے جو فرصت پائی

سامنا چھوڑ کے سب فوج عقب سے آئی

لاکھ خوں ریز اُدھر، اور اِدھر تنہائی

باگ گھوڑے کی پھرانا تھا کہ برچھی کھائی

آ گیا موت کے پنجے میں نہ کچھ دیر لگی

فرق پر گرز لگا دوش پہ شمشیر لگی

سینہ غربال ہوا، تیر چلے اعدا کے

رکھ دیا شیر نے قربوس پہ سر نہوڑا کے

علیؔ اکبر نے یہ حضرت سے کہا چلا کے

گر ہو ارشاد تو مہماں کو سنھالوں جا کے

خانۂ زیں سے عدم کا سفری گرتا ہے

خاک پر گھوڑے سے اب حرِّ جری گرتا ہے

شاہ رونے لگے یہ سنتے ہی مہماں کی خبر

ہو گئی آنسوؤں سے ریشِ مبارک سب تر

علیؔ اکبر سے کہا تم ابھی ٹھہرو دلبر

حُرؔ کی امداد کو ہم جائیں گے اے نورِ نظر

کس سے اس وقت کہوں میں جو قلق مجھ پر ہے

لاش مہماں کی اٹھاؤں گا کہ حق مجھ پر ہے

عرض کی حضرتِ عباس نے جاتا ہے غلام

جوشِ رقت میں کہا شہ نے نہیں اے گلفام

میری الفت میں ہوا قتل حرِ نیک انجام

دوست کیسے، جو برے وقت میں ہم آئیں نہ کام

اس پہ جب سخت گھڑی ہو گی تو کام آئیں گے

لاش کیا قبر میں مہمان کی ہم جائیں گے

اس کے لاشے پہ نہ جائیں، یہ مروت سے ہے دور

اس سے ہم شاد ہوئے، وہ بھی تو ہو کچھ مسرور

قصرِ خلد اس کو دکھائیں کہ ہوئے عفوِ قصور

سرخ رو جاتا ہے دنیا سے وہ خالق کے حضور

ایسا ذی رتبہ کوئی خلق میں کم نکلے گا

میرے مہماں کا مری گود میں دم نکلے گا

یہ سخن کہہ کے چلے رن کو، جنابِ شبیرؔ

واں گِرا خاک پہ گھوڑے سے، حُرِ با توقیر

دیکھ کر شاہ کو آتے ہوئے بھاگے بے پیر

پہونچے لاشے پہ امامِ دو جہاں وقتِ اخیر

چمنِ ہستیِٔ مہماں کو اجڑتے دیکھا

ایڑیاں خاک پہ زخمی کو رگڑتے دیکھا

گر کے لاشے کے برابر یہ پکارے سرور

ہائے اے میرے مددگار و معین و یاور

گرز کیا تجھ کو لگا ٹوٹ گئی میری کمر

گر پڑے گھوڑے سے اور آہ نہ کی ہم کو خبر

دوست کے ہجر میں کس دوست کو چین آیا ہے

کھول دے آنکھوں کو بھائی کہ حسینؔ آیا ہے

وہ رے حُرِّ جری میں تری ہمت کے فدا

اس کو کہتے ہیں محبت اسے کہتے ہیں وفا

ہے یہ بیکس ترا شرمندۂ احساں بہ خدا

بس یہی بھائی بھی کرتے ہیں جو کچھ تو نے کیا

حق تعالیٰ چمنِ خلد میں گھر، دے بھائی

اس ریاضت کا خدا تجھ کو ثمر دے بھائی

حُرؔ کو چونکا کے حبیبؔ ابنِ مظاہر نے کہا

آپ، بیتاب ہیں اے حؔرِ جری ہوش میں آ

دیکھ دیدارِ جگر بندِ جنابِ زہراؔ

کوچ در پیش ہے یہ وقت نہیں غفلت کا

دم رکا ہے تو اشارے سے وصیت کر لے

نزع میں نورِ الٰہی کی زیارت کر لے

کسی آقا نے کبھی کی ہے یہ توقیرِ غلام

دیکھ تو رحم، ترے واسطے، روتے ہیں امام

بھائی فرماتے ہیں شفقت سے شہِ عرش مقام

اے خوشا حال خدا سب کا کرے نیک انجام

حشر تک خلق میں یہ ذکرِ غم انگیز رہا

تو تو بچپن کے غلاموں سے بھی کچھ تیز رہا

نیم وا چشم سے حُر نے، رخِ مولا دیکھا

زیرِ سر، زانوئے شبیرؔ کا تکیا دیکھا

مسکرا کر طرفِ عالمِ بالا دیکھا

شہ نے فرمایا کہ اے حُرِ جری کیا دیکھا

عرض کی حسن رخِ حور نظر آتا ہے

فرش سے عرش تلک نور نظر آتا ہے

باغ فردوس دکھاتا ہے مجھے اپنی بہار

صاف نہریں ہیں رواں جھوم رہے ہیں اشجار

شاخوں سے میری طرف بڑھتے ہیں میوے ہر بار

حوریں لاتی ہیں جواہر کے طبق بہرِ نثار

ہے یہ رضواں کی صدا دھیان کدھر تیرا ہے

دیکھ اے شاہ کے مہمان یہ گھر تیرا ہے

مجھ کو لینے چلے آتے ہیں فرشتے یا شاہ

ملک الموت بھی کرتا ہے محبت کی نگاہ

خلد سے شیرِ خدا نکلے ہیں اللہ اللہ

لو برآمد ہوئے شبّر بھی پدر کے ہمراہ

ننگے سر احمد مختار کی پیاری آئی

دیکھئے آپ کے نانا کی سواری آئی

قبلہ رو کیجئے لاشہ مرا اے قبلۂ دیں

پڑھئے یٰسین کہ اب ہے یہ دم باز پسیں

کوچ نزدیک ہے، اے باد شہِ عرش نشیں

لیجئے تن سے نکلتی ہے مری جانِ حزیں

بات بھی اب تو زباں سے نہیں کی جاتی ہے

کچھ اڑھا دیجئے مولا، مجھے نیند آتی ہے

کہہ کے یہ گود میں شبیرؔ کے لی انگڑائی

آیا ماتھے پہ عرق چہرے پہ زردی چھائی

شہ نے فرمایا ہمیں چھوڑ چلے کیوں بھائی

چل بسے حُرِّ جری پھر نہ کچھ آواز آئی

طائرِ روح نے پرواز کی طوبیٰ کی طرف

پتلیاں رہ گئیں پھر کر شہِ والا کی طرف

بس انیسؔ اب یہ دعا مانگ کہ اے ربِّ عباد

لکھنؤ کے طبقے کو تو سدا رکھ آباد

رونے والے، شہِ والا کے رہیں خلق میں شاد

ان کے سائے میں، برومند ہوں ان کی اولاد

عشرۂ ماہِ عزا نالہ کشی میں گزرے

سال بھر شہ کے غلاموں کو خوشی میں گزرے

bakhuda faris-e-maidan-e-tahwar tha hur

ek do lakh sawaron mein bahadur tha hur

nar-e-dozakh se abozar ki tarah hur tha hur

gauhar-e-taj-e-sar-e-arsh ho, wo dur tha hur

dhundh li rah-e-khuda kam bhi kya nek hua

pak tinat thi to anjam bhi kya nek hua

wah re tale-e-bedar, rahe izzat-o-jah

hur pe kya fazl-e-khuda ho gaya, allah allah

peshwai ko gae ap, shah-e-arsh panah

khizr-e-qismat ne bata di use firdaus ki rah

muddaton dur rahe jo wo qarib aisa ho

bakht aise hun, agar ho to nasib aisa ho

nar se nur ki janib use lai taqdir

abhi zarra tha abhi ho gaya khurshid-e-munir

shafe-e-hashr ne khush ho ke bahal ki taqsir

takiya-e-zanu-e-shabbir mila waqt-e-akhir

auj-o-iqbal-o-hasham fauj-e-khuda mein paya

jab hua khak to ghar khak-e-shifa mein paya

allah allah hurr safdar-o-ghazi ka nasib

jan-e-mahbub-e-ilahi jise farmae habib

hijr mein lutf mulaqat ka duri mein qarib

wahi kam ate hain mohsin ke, jo hote hain najib

sadqe ho jae use ishq-e-wali kahte hain

us ko duniya mein said-e-azali kahte hain

aya kis shauq se kaabe ki taraf chhor ke dair

koi hazrat ka yagana bhi na samjha use ghair

haq ne likh di thi jo taqdir mein firdaus ki sair

fitna-o-shar se bacha, ho gaya anjam bakhair

zikr-e-khair us ke mue par bhi hue jate hain

amal-e-nek har ik waqt mein kam ate hain

kufr ki rah se kara tha, jo wo nek tariq

kis bashashat se hua, rahbar-e-iman ka rafiq

the to lakhon, pe kisi ko bhi hui ye taufiq

khulq tinat mein hai jis ke wahi hote hain khaliq

auj-e-dindar ko, be den ko sada pasti hai

asl jis tegh ki achchhi wahi kasti hai

kyun na balida ho us ka chaman-e-jah-o-jalal

jis ko sar sabz kare khud asad allah ka lal

ho gaya fatima ke bagh mein ate hi nihal

wo samar pae ke pahunche na jahan dast-e-khayal

khil gaya ghuncha-e-dil uzr jo manzur hue

surat-e-barg-e-khizan dida, gunah dur hue

hur kahan, aur kahan ahmad-e-mursal ka khalaf

bakht ne dair se pahuncha diya kaabe ki taraf

dil safa ho gaya sine mein to pae ye sharaf

jab ke ankhen hui haq bin, to mila dar-e-najaf

nek jo amar hain, dil par wahi than jate hain

jab khuda chahe to bigre hue ban jate hain

wasf-e-hur mein hai zaban motarif-e-ijz-o-qusur

amad amad ki bahadur ka, suno ab mazkur

jab hui mustaid-e-jang, sipah-e-maqhor

mehr-e-aflak-e-imamat ne kiya ran mein zuhur

ghul hua jang ko, allah ke pyare nikle

ai falak dekh, zamin par bhi sitare nikle

kya kahun shan-e-jawanan-e-janod-e-allah

koi ham talat-e-khurshid, koi ghairat-e-mah

bandhi sheron ne saf-e-jang miyan-e-jangah

chaman-e-khuld se karne lagen huren bhi nigah

wan lainon ne dar-e-zulm-o-sitam khol diya

barh ke abbas ne yan sabz alam khol diya

ho gae surkh shujaat se rukh-e-al-e-nabi

ai thandi jo hua bhul gae tishna labi

ran mein karka hua, bajne lage baje arabi

yakka tazon ne kiya shor-e-mubariz talbi

ik ghata chha gai dhalon se siyah karon ki

barq har saf mein chamakne lagi talwaron ki

barchhiyan tol ke har ghaul se khun khwar barhe

neze hathon mein sambhale hue aswar barhe

tir jore hue chillon mein, kaman dar barhe

bole shah yan se abhi koi na zinhar barhe

asad-e-haq ke gharane ka ye dastur nahin

main nabi zada hun sabqat mujhe manzur nahin

ye sukhan sun ke mukhatib hue aada se imam

ai sipah-e-arab-o-rom-o-re-o-kofa-o-sham

tum pe karta hai hasin akhiri hujjat ko tamam

pisar-e-mushaf-e-natiq hun suno mera kalam

sukhan-e-haq ki taraf kanon ko masruf karo

sho bajon ka munasib ho to mauquf karo

ye sada sunte hi khud ruk gaya, qarna ka kharosh

tham gaya, tabal-e-wagha ki bhi wo awaz ka josh

ho gaya jor ke hathon ko, jalajal khamosh

kya bajate ke baja the na kisi shakhs ke hosh

chherna un ko surudon ka bhi nasaz hua

rob-e-farzand-e-nabi surma-e-awaz hua

kam hua ghalghala-e-fauj-e-sitam jab ik bar

yun guhar bar hue shah ke lab-e-gauhar bar

saf kashi kis pe hai, ye ai sipah-e-nahanjar

qatl sadat ki, lashkar mein ye kaisi hai pukar

watan awaron pe, ye qurq hai kyun pani ka

kya zamane mein yahi tur hai mehmani ka

mujh ko larna nahin manzur, ye kya karte ho

tir jore hain jo mujh par to khata karte ho

kyun nabi zade pe ghurbat mein jafa karte ho

dekho achchha nahin ye zulm, bura karte ho

shama iman hun, agar sar mira kat jaega

ye muraqqa-e-abhi ik dam mein ulat jaega

main hun sardar-e-shabab-e-chaman-e-khuld-e-barin

main hun khaliq ki qasam dosh-e-mohammad ka makin

main hun angushtar paighambar khatam ka nagin

mujh se raushan hai falak mujhe se munawwar hai zamin

abhi nazron se nihan nur jo mera ho jae

mahfil-e-alam-e-imkan mein andhera ho jae

qulzum-e-izz-o-sharaf ka dar-e-shahwar hun main

sab jahan zer-e-nagin hai wo jahandar hun main

aj go maslahatan, bekas-o-nachar hun

warsa-e-ahmad-e-mukhtar ka, mukhtar hun main

bakhuda daulat-e-iman isi darbar mein hai

sab buzurgon ka tabarruk miri sarkar mein hai

ye qaba kis ki hai batlao ye kis ki dastar

ye zira kis ki hai, pahne hun jo main sina figar

bar mein kis ka hai ye char aina-e-jauhar dar

kis ka rahwar hai ye aj main jis par hun sawar

kis ka ye khud hai, ye tegh-e-dusar kis ki hai

kis jari ki ye kaman hai, ye sipar ki ki hai

tang aega to rukne ka nahin phir shabbir

ek hamle mein fana honge ye do lakh sharir

chal sakenge na tabar mujh pe, na talwar na tir

kat jaegi gale sab ke ye burran shamshir

sher hun lakht-e-dil-e-ghalib-e-har ghalib hun

main jigar band ali ibn-e-ubi talib hun

mujh ko hota na agar bakhshish-e-ummat ka khayal

rok leta mujhe rasta mein, ye har ki thi majal

tham sakta tha, lajam-e-faras-e-barq misal

puchh lo dekha hai us ne, mire sheron ka jalal

guftugu mein sipar us ki jo na ham, ho jate

hath ik war mein, pahunchon se qalam ho jate

ghaiz se hath chabate the ali ke dildar

nimache tolte the aun-o-mohammad har bar

agli parti thi jigar band husn ki talwar

main ne jab sar ki qasam di to ruke wo jarrar

chalti talwar to jangal tah-o-bala hota

phir na hur khalq mein hota na risala hota

tha ye biphra hua abbas mira sher jawan

sina-e-hur pe rakhe deta tha, neze ki sinan

main ye karta tha ishara ke, na ai bhai jan

rahm lazim hai hamen, ham hain imam-e-do jahan

kuchh taraddud nahin, sar tan se utara jae

koi banda na mire hath se mara jae

garche ye amar nahin, ahl-e-sakha ke shayan

ke kisi shakhs ko kuchh de ke kare sab pe ayan

puchh lo har to hai maujud, ayan racha bayan

isi jangal mein, ma-e-fauj tha, ye tishna dahan

shor tha aj, chalen jism se janen sab ki

munh ke bahar nikal ai thin zabanen sab ki

zist har shai ki hai, pani se, shajar ho ke bashar

mujh se dekha na gaya, main to sakhi ka hun pisar

main ne abbas-e-dilawar se kaha, ghabra kar

mushkon wale hain kahan, unt hain pani ke kidhar

karam saqi-e-kausar ko dikha do bhai

jitna pani hai wo pyason ko pila do bhai

rah na jae koi ghora koi naqa be ab

chhagalen jald mangao, mira dil hai be tab

saqqe mashkizon ka munh khol ke a pahunche shitab

matawajjeh hawa mein khud ke, wo tha, kar-e-sawab

chain aya na mujhe, be unhen aram diye

tha jo ik jam ka pyasa, use do jam diye

thi yahi fasl yahi dhup yahi garm hua

thande pani pe gire parte the, hur ke rufaqa

tishna kamon ka ye majmaa tha ke milti na thi ja

saqqe bhar bhar ke katoron ko ye dete the sada

bhaiyo ao, jo pani ki talab gari hai

chashma-e-faiz-e-hasin ibn-e-ali jari hai

ab-e-shirin ka jo dariya hua jangal mein rawan

faras-o-ashtar, o qatir na rahe tishna dahan

shukr karne lage tar ho gai, har khushk zaban

pani pi pi ke duaen mujhe dete the jawan

shor tha ibn-e-yadallah ne jan bakhshi ki

din-o-duniya ke shahanshah ne jan bakhshi ki

ek din wo tha aur ik din ye hai, allah allah

ke isi tarah, hamen pyas mein, pani ki hai chah

chashm-e-ummid ho kya, sab ne pharali hai nigah

koi ik jam bhi bhar kar hamen deta nahin ah

har musalman pe nabi zade ka haq hota hai

bachche rote hain to sina mira shaqq hota hai

kai maasum hain kamsin jo mu-e-jate hain

dam ukharta hai mira jab unhen ghash ate hain

pani pani jo wo kahte hain to sharmate hain

pas dariya hai pe ik bund nahin pate hain

sach hai ghurbat ki ajab sham-o-sahar hoti hai

tisra din hai, ke faqon mein basar hoti hai

shah ke mazlumi pe giryan hui zalim ki sipah

umr-e-saad ne ki, mur ke rukh-e-hur pe nigah

bola wo ashhad balla, baja kahte hain shah

mohsin-o-munam-o-aqa hai mira ye zi jah

in ke ehsan ka kyun kar koi munkir ho jae

sukhan-e-haq mein jo shak lae wo kafir ho jae

ek main kya hun, zamane pe hai ehsan in ka

abr-e-rahmat hain khata posh hai daman, in ka

khushk-o-tar par hai karam, khalq mein, yaksan un ka

hai khusha hal jo ghurbat mein ho mehman un ka

janti hai jise hasil ye sharaf hojae

jo idhar hoga khuda us ki taraf ho jae

ye abhi hath utha kar jo dua farmaen

jitne alam ke gunahgar hain bakhshe jaen

haq se jis shai ke talab gar hun, fauran paen

jam-e-kausar yahin firdaus se huren laen

misl-e-khurshid hai raushan wo sharaf un ka hai

ye wo bande hain, ke allah pe haq jin ka hai

un se qatra koi mange to guhar dete hain

hain sakhi ibn-e-sakhi bat pe sar dete hain

pet sail ka ye faqon mein bhi bhar dete hain

yan tor zar dete hain, firdaus mein ghar dete hain

as mujrim ki, gunah gar ki ummid hain ye

zarra parwar jinhen kahte hain, wo khurshid hain ye

hur se ghabra ke ye bola umr-e-saad-e-sharir

ye to hai saf tarfdari shah ki taqrir

apne hakim ka na kuchh zikr na taarif-e-amir

allah allah ye ausaf, ye madh-e-shabbir

sun chuka hun main, ke muztar hai kai raton se

ulfat-e-shah tapakti hai tiri baton se

na wo ankhen, na wo chitwan, na wo tewar, na mizaj

sidhi baton mein bigarna ye naya tur hai aj

takht bakhsha hai mohammad ke nawase ne ke taj

jin ko samjha hai ghani dil mein, wo khud hain mohtaj

kaun sa bagh tujhe shah ne dikhlaya hai

kahin kausar ke to chhinton mein nahin aya hai

kya kisi hur ka, dikhla diya, hazrat ne jamal

mulk gaya saya-e-tuba ke jo aisa hai nihal

qasr-e-yaqut mein pahuncha, jo tira rang hai lal

kaun se mewa-e-shirin pe tapakti hai ral

dafatah haq-e-namak ko bhi faramosh kya

kya tujhe bada-e-tasnim ne be hosh kiya

main jahan dida hun, sab mujhko khabar hai teri

qurratalain mohammad pe nazar hai teri

hont bhi khushk hain aur chashm bhi tar hai teri

jism-e-khaki hai idhar, jan idhar hai teri

rah mein kuchh jo suluk aur nawazish ki hai

tu ne farzand-e-yad allah se sazish ki hai

khair makhfi na rahega ye qusur aur futur

likhenge ohda-e-akhbar pe jo hain mamur

hakim-e-sham hai jabir, wo saza dega zarur

gar tujhe dar pe khinche, to kuchh us se nahin dur

sab tiri qaum ke sar tan se juda huin ge

zan-o-farzand, giraftar-e-bala-e-huin ge

nafa is amar mein jis mein main ho mardum ka zarar

ankhen niklengi, mohabbat se jo dekhega idhar

shajar-e-qamat-e-surur pe, jo dalega nazar

sar charhega tira barchhi pe, ye hai us ka samar

ulfat-e-zulf se bhi pech mein to aega

khal-e-rukh dekha, to ghar khanse lag jaega

badr-e-peshani-e-surur ka hai jo sar mein khayal

tu usi mah mein nuqsan tira hue ga kamal

sab mein ho jaega angusht numa shakl-e-hilal

tir-o-shamshir hai, abru ki mohabbat ka maal

ishq rukhsar mein, rutba tira ghut jaega

munh pe kahta hun ke chehra abhi kat jaega

khauf kis bat ka pyason se ye tharrana kiya

lab pe har martaba, bekas ki sana lana kiya

nang ki bat hai dushman ki taraf jana kiya

ho nabi ya ke wassi jang mein sharmana kya

abhi le jaen jo shabbir ka sar hath lage

khuld ham us ko samajhte hain ke zar hath lage

har pukara ke zaban band-e-karo na hamwar

qabil-e-laan hai to aur wo tera sardar

ibn zahra hai jigar band-e-rasul-e-mukhtar

mera kya munh jo karun madh-e-imam-e-abrar

ik zamana sifat al-e-aba karta hai

ap quran mein khuda un ki sana karta hai

wasf aison ka zaban par koi kyunkar lae

tin so ae hun, taarif mein jin ki, ae

kisi insan ne ye duniya mein hain rutbe pae

apna mahbub-o-wali jis ko khuda farmae

ulfat-e-al mein mariye to khush iqbali hai

sang hai un ki mohabbat se jo dil khali hai

asfalon se hai mohabbat tujhe aur sifla mizaj

khak-e-pa us ki hun main hai jo sar-e-arsh ka taj

jis ko kandhe pe mohammad ke mili hai meraj

mere aqa sa sakhi kaun hai kaunain mein aj

kyun tire samne makron ko nahin bakhsha hai

han, mujhe shah ne, firdaus-e-barin bakhsha hai

bagh jo mujh ko dikhaya use kya jane to

rahat-e-ruh hai, jis bagh ke har phul ko bu

mujh ko allah ne bakhshen hain wo huren khush ro

ke jinhen tere farishton ne na dekha ho kabhu

nam kausar ka na le to mujhe josh ata hai

unhen chhinton se to behosh ko hosh ata hai

izzat-e-din sharaf-e-kaun-o-makan hain shabbir

jan-e-zahra hain mohammad ki zaban hain shabbir

sang pani ho, wo ejaz-e-bayan hain shabbir

jan kyun ho na idhar, jan-e-jahan hain shabbir

mehrban hun to abhi uqda kushai howe

wo na bakhshen to khuda tak na rasai howe

kya main aur kya wo riyasat miri, kya mere ayal

jabke afat mein phanse ahmad-e-mukhtar ki al

dan ki amlak-o-ziraat ka ho kya mujh ko khayal

yan hui jati hai sadat ki kheti pamal

ghar ka ab dhyan na bachchon ka alam hai mujh ko

khana barbadi-e-shabbir ka gham hai mujh ko

daulat-e-hakim-e-dun par hai tira dar-o-madar

dar-e-duniya se taalluq nahin rakhte, den dar

kya mujhe dar pe khaniche ga, wo zalim ghaddar

khwab-e-ghaflat hai use o mire tale-e-be dar

kisi sardar ne ye auj na paya hoga

dar-e-tuba ka mire farq pe saya hoga

hai sar afraz sada ashiq-e-peshani-e-shah

sajde kije ke hai bit abruon ki bit allah

ishq ankhon ka hai mardum ke liye nur-e-nigah

hai wo yusuf jise ho mushaf-e-rukhsar ki chah

ashiq-e-lab ko khuda laal-o-guhar deta hai

wo dahan, chashma-e-kausar ki khabar deta hai

khal-e-rukhsar nahin-e-goe saadat hai ye

mujh se mujrim ke liye mehr shafaat hai ye

hun jo ashufta-e-gesu to ibarat hai ye

bakhuda silsila-e-bakhshish-e-ummat hai ye

shab-e-meraj-e-rasul-e-do jahan samjha hun

us ke har tar ko main rishta-e-jan samjha hun

wasf-e-dandan mein zaban jis ki rahe gauhar bar

motiyon se dahan us shakhs ka bhar de ghaffar

shauq mein seb-e-zaqan ke jise ae na qarar

huren ghurfe se dikhaen use rang-e-rukhsar

dam ba dam chahne walon ke lahu ghatte hain

ye gila wo hai gale, jis ke liye katte hain

sadqe us sine pe hain, ashiq-e-safi sina

khak is dil pe jo is sine se rakhe kina

haq numa hai to jahan mein hai yahi aina

us ka ashiq ho to, hun kor ki ankhen bina

faiz pata hai wo dil jis mein wala hoti hai

chashm ko us ki ziyarat se jala hoti hai

paon ye wo hain ke un paon ko jo hath lagae

tu sar-e-dast-e-sar afrazi kaunain wo pae

gard-e-naalain-e-mubarak, jo asar apna dikhae

tutiya hue khajil, kohl-e-jawahir sharmae

sadqe kar denge sar un paon pe ham aise hain

dosh-e-ahmad pe rahe jo, ye qadam aise hain

amal-e-khair se bahka na mujhe o iblis

yahi kaunain ka malik hai yahi ras-o-rais

kya mujhe dega tira hakim-e-milaun-o-khasis

kuchh taraddud nahin kah de ke likhe parcha nawis

han su-e-ibn-e-shahanshah-e-arab jata hun

le sitamgar, jo na jata tha to ab jata hun

kah ke dab se ghazi ne nikali talwar

surkh ankhen hui abru pe bal ae ik bar

tan ke dekha taraf-e-fauj-e-imam-e-abrar

paon rakhne laga ban ban ke zamin par rahwar

ghul hua sayyad-e-wala ka wali jata hai

lo taraf dar hasin ibn-e-ali jata hai

har ne naara kiya, ya haidar-e-safdar madde

waqt-e-imdad hai, ya fateh-e-khaibar madde

zoj-e-zahra madde, nafas payambar madde

banda-e-al hun, ya khwaja-e-qambar madde

tan-e-tanha hai ghulam, aur bahut azlam hain

ai awaz ke ai har tire hami ham hain

mil gai rah-e-khuda wah re iqbal tira

pak isyan se hua nama-e-aamal tira

jurm-e-mazi hue sab afw khusha hal tira

jald ja jald ke shaiq hai mira lal tira

mard hai jis ki ye himmat ye irada howe

han bahadur tiri taufiq ziyada howe

muntazir hain tire sab fauj-e-hasini ke jawan

dar-e-firdaus pe mushtaq khara hai rizwan

rah takti hain tiri der se huran-e-janan

shor-e-kausar pe hai shabbir ka mehman hai kahan

fauj-e-qudsi tiri himmat ki sana karti hai

fatima aj tire haq mein dua karti hai

tu bahishti hai, ye kafir hain kinshiti ai har

mit gai sab tire aamal ki zishti ai har

dekh ab surat-e-huran-e-bahishti ai har

kis talatum mein bachi hai tiri kashti ai har

ghazab allah ka shabbir ki narazi hai

panjatan tujh se hain razi to khuda razi hai

aur balida hua sun ke ye muzhda wo hazbar

dil-e-betab pukara ke nahin taqat-e-sabr

ab to is fauj mein ik dam ki bhi taawiq hai jabr

qaaar-e-dozakh hai, musalman ke liye sohbat gabr

han utha bag, jo shaida-e-shah-e-ali hai

fauj allah-o-nabi mein tiri ja khali hai

sun ke ye bag jo li, asp-e-subuk taz ura

dar se rang-e-umr-e-shobada parwaz ura

kya ura rakhsh, ke taus basad naz ura

di parindon ne ye awaz ke shahbaz ura

bagh-e-zahra mein, nasim-e-sahari jati hai

ghul tha darbar-e-sulaiman mein pari jati hai

kiya do tin risalon ne taaqub har chand

har ka hath ana to kaisa na mili gard-e-samand

kahte the sharm se wo le ke jo daure the kamand

ye chhalawa tha ke andhi, ye faras tha ke parind

kya subuk su-e-chaman bad-e-bahari pahunchi

ham yahin rah gae wan har ki sawari pahunchi

yan hue ilm-e-imamat se shah-e-din agah

hans ke abbas se farmaya ke ai ghairat-e-mah

mere lashkar ki taraf hai rukh-e-har-e-zi jah

sab se kah do ke na roke koi us shakhs ki rah

jao lene ko ajab rutba shanas ata hai

mera mehman, mira ashiq, mire pas ata hai

zikr ye tha ke sada dur se ai ik bar

alghiyas ai jigar-o-jan-e-rasul-e-mukhtar

mujrim aisa hun, ke isyan ka nahin jis ke shumar

afw kar afw kar, ai chashma-e-faiz-e-ghaffar

par dariya-e-khata se miri kashti ho jae

dozakhi bhi tire sadqe se bahishti ho jae

kai rozon se talatum mein hun, ai shahnashah

madad ai nuh-e-ghariban, mira bera hai tabah

dast-o-pa gum hain kuchh aise ke nahin sujhti rah

shor karta hun ke batlae koi jae panah

abr-e-rahmat ki taraf ja ye sada dete hain

sab tire daman-e-daulat ka pata dete hain

tire daman ke nisar ai mire aqa-e-jalil

rahm kar rahm ke sharminda hai ye abd zalil

dil khunuk hue jo nikle koi kausar ki sabil

jan a jae jo maulae do alam hun kafil

na waziron mein ye himmat na shahanshah mein hai

sab mire dard ka darman, tiri dargah mein hai

khalq mein ap ke walid ka karam hai mashhur

bat mein bakhsh diye sainkron bandon ke qusur

mujh se hain bag pakar lene pe azurda huzur

bakhsh dije to karam se nahin kuchh ap ke daur

ye to kyunkar kahon, main laiq-e-taazir nahin

magar aswad se ziyada miri taqsir nahin

ai madadgar-o-muin alzaafa, adarkini

ai khabar gir giroh-e-ghuraba, adarkini

paon laghzish mein hain ai dast-e-khuda adarkini

hath bandhe hun main ai uqda kusha, adarkini

dijiye har ko sanad nar se azadi ki

aiye jald khabar lijiye fariyadi ki

mire aamal mein har chand sarasar hai badi

hun gahangar-e-khuda-e-azali-o-abadi

ap hain malik-e-sarkar-e-janab-e-ahadi

ai khudawand-e-jahan khuz baidi khuz baidi

jo tahi dast hain takte hain shahanshah ka hath

ap ka hath zamane mein hai allah ka hath

ek ye khasta tan aur darpae jan lakh harif

ai sulaiman kahin pamal na ho mor-e-zaif

chhor kar ap ki sarkar, kahan jae nahif

kijiye ab nazar lutf, ke hota hai khafif

hun sarafraz jo itna hi karam ho jae

nam qambar ke ghulamon mein raqam ho jae

istighasa ye kiya hur ne jo badida-e-nam

a gaya josh mein allah ka dariya-e-karam

khud barha hathon ko phailae hue shahanshah-e-umam

har ko ye hataf-e-ghaibi ne sada di is dam

shukr kar sibt-e-rasul alssaqalain ate hain

le bahadur tire lene ko hasin ate hain

har ne dekha ke chale ate hain paidal shabbir

daur kar chum liye pae shah-e-arsh-e-sarir

shah ne chhati se laga kar kaha ai ba tauqir

main ne bakhshi, mire allah ne bakhshi taqsir

main raza mand hun kis waste muztar hai tu

mujh ko abbas-e-dilawar ke barabar hai tu

kis ke kyun bandha hai hathon ko main hota hun khajil

sahl kar den use gar aur koi ho mushkil

bhai a, mujh se baghal gir to ho, khol ke dil

ghafir-o-rahim-o-toab hai rab-e-adil

jurm sab mahw kiye haq ne tire daftar se

aj paida hua goya shikam-e-madar se

har pukara babi-e-ant-o-ammi ya shah

qabil-e-afw na the banda-e-asim ke gunah

mujh se gumrah ko ik an mein mil jae ye rah

sab hai sadqa unhen qadmon ka khuda hai agah

mehr zarre pe jo ho nayar-e-taban ho jae

ap jis mor ko chahen wo sulaiman ho jae

kaun maqdad the sullaman-o-abazar the kaun

ap farmaen ke amari dilawar the kaun

shor-e-alam mein jo hai, malik-e-ashtar the kaun

ai khudawand-e-jahan hazrat-e-qambar the kaun

unhen qadmon ka tasadduq tha ke mumtaz hue

isi sarkar ke khilat se sar afraz hue

shah ne farmaya ke khaliq ki inayat hai ye sab

de kisi shakhs ko bande mein ye maqdur hai kab

is misbib ki inayat ke ye sare hain sabab

wahi munam, wahi mohsin, wahi raziq, wahi rab

apne kaise se na dam aur diram dete hain

jab wo khaliq hamen deta hai to ham dete hain

lakh hath us ke hain dene ke wo aisa hai jawwad

ham use bhulen to bhulen, wo hamen rakhta hai yad

rizq wo hausla-e-hirs se deta hai ziyad

shukr karte nahin maabud ka us par bhi ubbad

wo ghani hai ke hai mohtaj-e-zamana us ka

kabhi khali nahin hota hai khazana us ka

jis qadar us se talab kijiye khushnud hai wo

sahab-e-jud hai woab hai, mahmud hai wo

hath phailae jo sau bar to, maujud hai wo

bakhsh deta hai ke ham abd hain, maabud hai wo

parwarish jurm pe bhi, subh-o-masa hoti hai

yan se hoti hai khata wan se ata hoti hai

kah ke ye sath liye hur ko chale shah-e-umam

hath mein hath tha mehman ka, allah re karam

ras-o-chup qasim-o-akbar the, zahe shan-o-hasham

sar pe khole hue the hazrat-e-abbas alam

dorise ahl-e-khata, tir jo barasite the

rufaqa sae mein dhalon ke liye ate the

lae is izzat-o-hurmat se jo mehman ko imam

bole abbas kamar khol, ab ai nek anjam

shah ne farmaya munasib hai koi dam aram

arz ki hur ne kamar khuld mein kholega ghulam

fatiha parh ke, ye shamshir-o-sipar bandhi hai

aj is azm pe khadim ne kamar bandhi hai

hai bahut shimr-o-umar se mujhe larne ki umang

ek hi war mein donon ka karunga chaurang

lashkar-e-sham se peyam chale ate hain, khadang

shahzadon ke sipar hun, ke ibadat hai jang

lekin aisa na ho bachcha koi be jan ho jae

pahle ye taza ghulam ap pe qurban ho jae

shah ne farmaya ke dushwar hai furqat teri

mujhko mar kar bhi na bhulegi mohabbat teri

wa daregha, hui kuchh ham se na khidmat teri

khair firdaus mein ho jaegi daawat teri

aj rutba tira khail-e-shuhada mein hoga

shab ko to sohbat-e-mahbub-e-khuda mein hoga

tujh pe makhfi nahin haftam se jo kuchh hai mira hal

rahen har samt ki roke hue hain ahl-e-zalal

qaht pani ka hai is dasht mein gandum ka hai kal

nan-e-jo ka bhi hai milna kisi qariye mein muhal

sab ko iza ewaz-e-ab-o-ghada milti hai

dudh asghar ko na abid ko dawa milti hai

hur ne ro kar sar-e-tasallum jhukaya ba adab

shah ne rumal rakha ankhon pe rone lage sab

jab charha ghore pe wo ashiq-e-sultan-e-arab

shah bole ke ajab dost chhuta hae ghazab

dam ba dam yan se jo awaz-e-buka jati thi

girya-e-al-e-mohammad ki sada ati thi

hur chala fauj-e-mukhalif pe ura ke tosun

chaukari bhul gae jis ki tagapo se hiran

wo jalal aur wo shaukat, wo ghazab ki chitwan

hath mein tegh, kaman dosh pe bar mein joshan

dusre dosh pe shamle ke jo bal khate the

kakul-e-hur ke sab pech khule jate the

zor-e-bazu ka numayan tha bhare shanon se

dast-e-faulad daba jata tha dastanon se

barchhiyon urta tha dab dab ke faras ranon se

ankh lar jati thi, dariya ke nigahbanon se

khud-e-rumi ki, jo zau, taba falak khate the

chashm-e-khurshid mein bijli si chamak jati thi

neza-e-hur ki sinan par na thaharti thi nigah

tha ye zahir ke nikale hai zaban mar-e-siyah

qabza-e-tegh pe rakhe thi sar-e-ijz panah

aftabi wo sipar, jis se khajil gurda-e-mah

qadr andazon ko janon ke idhar lale the

tir tarkash mein na the ag ke parkale the

ran mein jab shah ki taraf se huri den dar aya

kis bashashat se urata hua rahwar aya

ghul hua sayyad-e-mazlum ka, gham khwar aya

jan nisar-e-khalaf-e-haidar-e-karrar aya

tutuq-e-nur-e-sar-e-rah nazar ata hai

jalwa-e-qudrat-e-allah nazar ata hai

ane jane ka bahadur ke karun kya mazkur

pahle kuchh aur hi jalwa tha, par ab aur zuhur

ai khusha rutba faiz-e-qadam-e-pak-e-huzur

ghul tha ata hai malak pahne hue khilat-e-nur

sohbat-e-ahl-e-wala, dil ko jala karti hai

mis ko ik an men iksir tila karti hai

wah kya faiz hai, sarkar-e-shah-e-alam mein

zara-e-khak ko khurshid kiya, ik dam mein

nur ye hur mein dekha, na bani adam mein

ye wahi huri-e-jari hai jo abhi tha ham mein

tan hai khush bu, rukh-e-gul rang tar-o-taza hai

khak naalain-e-mubarak ki ajab ghaza hai

mehr zarra hai jahan, chehra-e-raushan aisa

chand bhi jis se kare kasb-e-ziya, tan aisa

hirz ho, bazu-e-daud ka, joshan aisa

hosh pariyon ke ure jate hain tosun aisa

gulshan-e-dahr mein lo bad-e-bahari ai

qaf mein ghul hai, sulaiman ki sawari ai

hur pukara ke baja kahte ho be shak laraib

daman-e-hazrat-e-shabbir ne dhanpe mire aib

daulat-e-din se na daman mira khali hai na jeb

barak allah ki deta hai sada hataf-e-ghaib

faiz pa kar piye shamshir zani aya hun

yan se mohtaj gaya wan se ghani aya hun

mujhko khurshid kiya nur-e-khuda ki zau ne

nur bakhsha qamar-e-fatima ke partau ne

bakht-e-pae hain sikandar ke ghulam-e-nau ne

ganj wo laya hun dekha jo na tha khusrau ne

daur daur aj se mera hai, zamana mera

kabhi khali nahin hone ka khazana mera

rukh-e-raushan ko mire takte ho kya hasrat se

mal ke aya hun munh apna qadam-e-hazrat se

nur wo hai jise dekhen, nazar-e-raghbat se

wae wo log, jo mahrum hain is daulat se

mujhko bhi dekh ke bedar nahin hote ho

hai ghazab ankhen to khole ho, magar sote ho

jan-e-sultan-e-risalat ko ghanimat jano

pisar-e-shah-e-wilayat ko ghanimat jano

nur-e-khaliq ki ziyarat ko ghanimat jano

qamar burj imamat ko ghanimat jano

sath us ke barkat khalq se uth jaegi

phir jo dhundoge ye daulat to na hath aegi

ek sayyad ke mita dene mein hai kaun sa nam

is hawa par ho ke bujh jae charagh-e-islam

gar ho dana to kaho bad hai ke hai nek ye kam

khush numa kab hai wo tasbih, na ho jis mein imam

shukr-e-ehsan-e-janab-e-ahadi karte hain

peshwa se, kahin pairo bhi badi karte hain

ye sukhan sun ke pukara pisar-e-saad-e-sharir

han taraf dar-e-shah-e-din pe chalen neza-o-tir

liye harbon ko barha fauj ka amboh-e-kasir

fatiha parh ke jawan mard ne khinchi shamshir

hur ka munh surkh hua, fauj-e-sitam zard hui

shola-e-tegh se bijli ki chamak gard hui

raad tharra gaya naare jo sune zaigham ke

ustukhwan kanp gae zer-e-zamin rustam ke

tah-o-bala huin lashkar ki safen jam jam ke

barq-e-shamshir se dar dar ke faras bhi chamke

naubat-e-jang na ai thi ke dil tut gae

beriqen gar gain hathon se nishan chhut gae

chher kar bag, faras ko jo zara garmaya

ghaiz mein an ke ghora bhi ghazab kaf laya

sher sa fauj-e-mukhalif pe jhapat kar aya

raund dala use dam mein jise sarkash paya

us ka qatil tha jo dushman shah-e-ali ka tha

kat har naal mein shamshir hilali ka tha

hashr barpa tha ke tegh-e-hur-e-zi jah chali

ag barasane ko bijli su-e-jangah chali

kis karishme se wo laila zafar, rah chali

gah thami gah barh gah ruki gah chali

zakhm sinon ke gareban ki tarah phatte the

chal kya thi ke hazaron ke gale katte the

kin safen saf, magar munh ki safai na gai

kaj adai ko na chhora, wo larai na gai

kat chhant aur wo lagawat wo rukhai na gai

saikron khun kiye aur kahin ai na gai

shor tha barq, piye jalwa giri nikli hai

jan lene ko ajal ban ke pari nikli hai

jis taraf dida-e-jauhar se nazar karti hai

pal na gazre ke safen, zer-o-zabar karti hai

chashm har chand ke putli ko, sipar karti hai

hai wo tarrar, ke ankhon mein ye ghar karti hai

us ke afsun se jo sahir ho to jal jata hai

sehr pariyon ka isi tarah se chal jata hai

phunke bijli ko ye is ag ki hai, parkala

kat jae to kabhi lahr na le phir kala

barchhiyan chal gain us par jise dekha bhala

a gaya dam mein jis shakhs pe dora dala

us ke pani men kaf-e-mar-e-siyah ghola hai

barh hai ya mulk almut ne munh khola hai

ai jis ghaul pe lashon se zamin pat gai

dast-o-pa, sadr-o-kamar, gardan-o-sar kat gai

chat aisi thi lahu ki, ke safen chat gai

dekhi teghon ki jidhar barh, isi ghat gai

jis pe jati thi, na be jan liye phirti thi

ek bijli thi, magar lakh jagah girti thi

gul nae phule jo barchhi pe laga phal us ka

zor dikhlata tha, har zarb mein kis bal, us

dher tha khak pe kata hua jangal, us ka

jo barha jang mein qissa hua faisal us ka

shor tha dekhiye kyun kar ye bala talti hai

is qadar jald to saifi bhi nahin chalti hai

jang mein tegh ko daawa tha ke yakta hun main

sar uthaya tha ye ghore ne ke anqa hun main

charkh kahta tha ke yarab tah-o-bala hun main

barq kahti thi ke talwar hai ye, ya hun main

kis mein hai ye jo tarap zer-e-falak meri hai

tegh karti thi ishara ye chamak meri hai

na thami sang se wo aur na ruki ahan se

hath ura le gai pahunchon se to sar gardan se

na uthi us ki kari zarb, kisi joshan se

chal gai bad-e-mukhalif jidhar ai, sun se

josh-e-tufan ka dikha kar wo khush uslub gai

khun ke dariya mein har ik kashti-e-tan dub gai

kasrat-e-jauhar-e-zati se go wo jal mein thi

par tarap surat-e-mahi wahi har hal mein thi

thi chamak jane mein bijli, to pari chal mein thi

kabhi mighfar mein, kabhi sar mein, kabhi dhal mein thi

kahin dam lene ki mohlat thi na bismil ke liye

thi jigar ke liye barchhi to chhuri dil ke liye

said karne ko jidhar surat-e-shahbaz ai

lakh tarpa pe na be jan liye baz ai

ghul hua shahpar-e-shahin ke tale, qaz ai

ur gaya tair-e-jan aur na awaz ai

garche qabze mein liye thi use par chhor diya

tha zabas said-e-zabun, kat ke sar chhor diya

ab ne atish-e-sozan ka asar dikhlaya

tab ne marg-e-mufajat ka ghar, dikhlaya

barh ne jada-e-sahra-e-saqr, dikhlaya

khat ne aina-e-fath-o-zafar dikhlaya

tegh kahti thi dar-e-fath ki miftah hun main

qaul qabze ka ye tha qabiz-e-arwah hun main

kham wo paya tha ke sharmae hilal-e-mah-e-eid

hur ke hath a gai thi gulshan-e-jannat ki kilid

bursh aisi thi ke kat kat gai sab fauj-e-yazid

jama-e-kufr ke purze the zahe qata-o-burid

na bacha tar-e-nafas khalq mein, jine ke liye

chak zakhmon ke faqat rah gae sine ke liye

kai hamle kiye paiham jo kamandaron par

chal gae tir-e-malamat ke khata karon par

chutkiyan sab ki dhari rah gain sofaron par

rukh phira tha ke giri barq-e-sitam garon par

jal ke khirman hua yun khak ko khosha na mila

kashmakash mein kahin chhupne ka bhi gosha na mila

neza-e-fauj-e-sitamgar the dekhe bhale

dam mein is sher-e-nayastan ne qalam kar dale

garche the jan larae hue larne wale

afat-e-marg ko sar se koi kyun kar tale

jab sawaron ke pare jang pe tul jate the

band sab nakhun-e-shamshir se khul jate the

alif garaz ko kar deti thi har zarb mein, dal

thi i amad-o-raft aur nai tarah ki chal

kahin barchhi ki ani thi to kahin tir ki bhal

kahin talwar, kahin khanjar-e-burran, kahin dhal

zarb ko rok ke dushman ko fana karti thi

dam ba dam fauj-e-sitam gar bhi sana karti thi

shor tha ag hai talwar mein ya pani hai

jal bujhi kashti-e-tan khun mein tufani hai

zarb mein fard hai ye zor mein lasani hai

kahta tha hur ye faqat quwwat-e-imani hai

zor tha mujh mein na aisa, na wagha ki taqat

sab hai ye sibt-e-payambar ki dua ki taqat

kah ke ye fauj mein phir tishna jigar dub gaya

wartaha-e-qulzum-e-afat mein guhar dub gaya

lashkar-e-sham ke badal mein qamar dub gaya

kashmakash thi ke araq mein gul-e-tar dub gaya

tha kabhi sher sa biphra hua shamshiron mein

kabhi nezon ke nayastan mein kabhi tiron mein

gah chhupa aur kabhi nikla wo mah biraj-e-sharaf

kabhi is saf mein dar aya kabhi raundi wo saf

kabhi dariya ke kinare kabhi sahra ki taraf

kabhi naara tha ke sadqe tire ya shah-e-najaf

jitne majruh the dam un ke nikal jate the

sher bhi nam-e-ali sun ke duhul jate the

nakhl tharrate the sab gunj raha tha jangal

sarki jati thi zamin ran ki ghazab thi hal chal

kaund jati thi, saron par jo wo shamshir-e-ajal

munh ke bal girta tha koi to koi sar ke bal

hashr barpa tha sawaron pe faras lautte the

do pe char, ek pe do, panch pe das lautte the

barh ke farmate the abbas, zahe izzat-o-jah

barak allah ki deta tha sada dilbar-e-shah

kahte the ibn-e-husn, wah har-e-ghazi wah

shah har zarb pe farmate the, masha allah

apni jan bazi ka ghazi jo sila pata tha

muskurata hua taslim ko jhuk jata tha

haif jhukne mein lainon ne jo fursat pai

samna chhor ke sab fauj aqab se ai

lakh khun rez idhar, aur idhar tanhai

bag ghore ki pharana tha ke barchhi khai

a gaya maut ke panje mein na kuchh der lagi

farq par garaz laga dosh pe shamshir lagi

sina ghirbal hua, tir chale aada ke

rakh diya sher ne qarbos pe sar nihura ke

ali akbar ne ye hazrat se kaha chala ke

gar ho irshad to mehman ko sanhalon ja ke

khana-e-zain se adam ka safari girta hai

khak par ghore se ab har-e-jari girta hai

shah rone lage ye sunte hi mehman ki khabar

ho gai ansuon se rish-e-mubarak sab tar

ali akbar se kaha tum abhi thahro dilbar

hur ki imdad ko ham jaenge ai nur-e-nazar

kis se is waqt kahon main jo qalaq mujh par hai

lash mehman ki uthaunga ke haq mujh par hai

arz ki hazrat-e-abbas ne jata hai ghulam

josh-e-riqqat mein kaha shah ne nahin ai gulfam

meri ulfat mein hua qatl-e-har-e-nek anjam

dost kaise, jo bure waqt mein ham aen na kam

us pe jab sakht ghari hogi to kam aenge

lash kya qabr mein mehman ki ham jaenge

us ke lashe pe na jaen, ye murawwat se hai dur

us se ham shad hue, wo bhi to ho kuchh masrur

qasr-e-khuld us ko dikhaen ke hue afw-e-qusur

surkh ru jata hai duniya se wo khaliq ke huzur

aisa zi rutba koi khalq mein kam niklega

mere mehman ka miri god mein dam niklega

ye sukhan kah ke chale ran ko, janab-e-shabbir

wan gira khak pe ghore se, hur-e-ba tauqir

dekh kar shah ko ate hue bhage be pir

pahunche lashe pe imam-e-do jahan waqt-e-akhir

chaman-e-hasti-e-mehman ko ujarte dekha

eriyan khak pe zakhmi ko ragarte dekha

gir ke lashe ke barabar ye pukare surur

hae ai mere madadgar-o-muin-o-yawar

garaz kya tujh ko laga tut gai meri kamar

gir pare ghore se aur ah na ki ham ko khabar

dost ke hijr mein kis dost ko chain aya hai

khol de ankhon ko bhai ke hasin aya hai

wo re hurr-e-jari mein tiri himmat ke fida

us ko kahte hain mohabbat use kahte hain wafa

hai ye bekas tira sharminda-e-ehsan ba khuda

bas yahi bhai bhi karte hain jo kuchh tu ne kiya

haq taala chaman-e-khuld mein ghar, de bhai

is riyazat ka khuda tujh ko samar de bhai

hur ko chaunka ke habib ibn-e-mazahir ne kaha

ap, betab hain ai har-e-jari hosh mein a

dekh didar-e-jigar band-e-janab-e-zahra

kuch dar pesh hai ye waqt nahin ghaflat ka

dam ruka hai to ishare se wasyyat kar le

nazaa mein nur-e-ilahi ki ziyarat kar le

kisi aqa ne kabhi ki hai ye tauqir-e-ghulam

dekh to rahm, tire waste, rote hain imam

bhai farmate hain shafqat se shah-e-arsh-e-maqam

ai khusha hal khuda sab ka kare nek anjam

hashr tak khalq mein ye zikr-e-gham angez raha

tu to bachpan ke ghulamon se bhi kuchh tez raha

nim wa chashm se hur ne, rukh-e-maula dekha

zer-e-sar, zanu-e-shabbir ka takya dekha

muskura kar taraf-e-alam-e-bala dekha

shah ne farmaya ke ai hur-e-jari kya dekha

arz ki husn-e-rukh-e-hur-e-nazar ata hai

farsh se arsh talak nur-e-nazar ata hai

bagh-e-firdaus dikhata hai mujhe apni bahar

saf nahren hain rawan jhum rahe hain ashjar

shakhon se meri taraf barhte hain mewe har bar

huren lati hain jawahir ke tabaq bahr-e-nisar

hai ye rizwan ki sada dhyan kidhar tera hai

dekh ai shah ke mehman ye ghar tera hai

mujh ko lene chale ate hain farishte ya shah

mulk almut bhi karta hai mohabbat ki nigah

khuld se sher-e-khuda nikle hain allah allah

lo baramad hue shabar bhi pidar ke hamrah

nange sar ahmad-e-mukhtar ki pyari ai

dekhiye ap ke nana ki sawari ai

qibla ro kijiye lasha mira ai qibla-e-din

parhiye asin ke ab hai ye dam baz pisen

kuch nazdik hai, ai bad shah-e-arsh nashin

lijiye tan se nikalti hai miri jan-e-hazin

bat bhi ab to zaban se nahin ki jati hai

kuchh urha dijiye maula, mujhe nind ati hai

kah ke ye god mein shabbir ke li angrai

aya mathe pe araq chehre pe zardi chhai

shah ne farmaya hamen chhor chale kyun bhai

chal base hurr-e-jari phir na kuchh awaz ai

tair-e-ruh ne parwaz ki tuba ki taraf

putliyan rah gain phir kar shah-e-wala ki taraf

bas unnis ab ye dua mang ke ai rab-e-ubbad

lakhnau ke tabqe ko to sada rakh abad

rone wale, shah-e-wala ke rahen khalq mein shad

un ke sae mein, baromand hun un ki aulad

ashra-e-mah-e-aza nala kashi mein guzre

sal bhar shah ke ghulamon ko khushi mein guzre