زلف کا کیا اس کی چٹکا لگ گیا

زلف کا کیا اس کی چٹکا لگ گیا

زور دل کے ہاتھ لٹکا لگ گیا

تار مژگاں پر چلا جاتا ہے اشک

کام پر لڑکا یہ نٹ کا لگ گیا

چشم و ابرو پر نہیں موقوف کچھ

جان من دل جس کا اٹکا لگ گیا

جام گل میں کیوں نہ دے شبنم گلاب

صبح دم غنچے کو چٹکا لگ گیا

منزل گم کردہ اک میں ہوں نصیرؔ

راہ سے جو کوئی بھٹکا لگ گیا

zulf ka kya us ki chatka lag gaya

zor-e-dil ke hath latka lag gaya

tar-e-mizhgan par chala jata hai ashk

kam par larka ye nat ka lag gaya

chashm-o-abru par nahin mauquf kuchh

jan-e-man dil jis ka atka lag gaya

jam-e-gul mein kyun na de shabnam gulab

subh dam ghunche ko chatka lag gaya

manzil-e-gum karda ik main hun nasir

rah se jo koi bhatka lag gaya