زاروں سے ڈریے پھولیے زر پر نہ زور پر

زاروں سے ڈریے پھولیے زر پر نہ زور پر

کیجے نگاہ حال سلیمان و مور پر

روک اپنے نفس بد کو کہ حاصل ہے اختیار

بیمار پر حکیم کو حاکم کو چور پر

ہو آبرو بڑھانی تو یہ کہہ اب بحر کو

ملتا ملائمت سے ہے کس زور و شور پر

اک عمر سے وظیفہ ہے صاحب کے نام کا

ناخن کے خط ہیں انگلیوں کے پور پور پر

نرگس کے چشم بد کا ہے ناحق تمہیں خیال

الزام بد نگاہی کا تہمت ہے کور پر

پاؤں اپنا میرے سینہ پہ رکھ دیجے ایک بار

اک لات بھی تو ماریے حاتم کی گور پر

الفت میں دل امڈتے ہی سر تن سے اڑ گیا

سرپوش جوش مے سے نہ ٹھہرا مٹھور پر

کل تک جو شمع محفل عیش و نشاط تھے

جلتا نہیں چراغ ہے آج ان کی گور پر

بلبل سے ہم نے لڑکے کیا سر عشق فاش

واقف ہزار تھے تو کھلا اب کرور پر

ہوتے ہو باغ میں جو غزل خواں تم اے نسیمؔ

خندہ گلوں کو آتا ہے بلبل کے شور پر

zaron se dariye phuliye zar par na zor par

kije nigah hal sulaiman-o-mor par

rok apne nafas bad ko ke hasil hai ikhtiyar

bimar par hakim ko hakim ko chur par

ho abru barhani to ye kah ab bahr ko

milta mulaimat se hai kis zor-o-shor par

ik umr se wazifa hai sahab ke nam ka

nakhun ke khat hain ungliyon ke por por par

nargis ke chashm-e-bad ka hai nahaq tumhen khayal

ilzam bad nigahi ka tohmat hai kor par

paon apna mere sina pe rakh dije ek bar

ik lat bhi to mariye hatim ki gor par

ulfat mein dil umadte hi sar tan se ur gaya

sarposh josh-e-mai se na thahra mathaur par

kal tak jo sham-e-mahfil-e-aish-o-nishat the

jalta nahin charagh hai aj un ki gor par

bulbul se ham ne larke kiya sar-e-ishq fash

waqif hazar the to khula ab karor par

hote ho bagh mein jo ghazal khwan tum ai nasim

khanda gulon ko ata hai bulbul ke shor par