ریستوران میں

ہم اک چائے کی میز پہ آ کر

عشق کا قصہ لے بیٹھے تھے

ہر خاتون بڑی کومل تھی

مرد نہایت دل والے تھے

معتبران شہر میں اک نے

اس کو فلاطونی ٹھہرایا

ان کی شریک حیات نے اس پر

طنز سے "جی اچھا!" فرمایا

پادریوں میں اک یہ بولے

عشق گھریلو ہو نہ تو اس سے

نظم شکم برہم ہوتا ہے

اک لڑکی نے پوچھا "کیسے؟"

اک خاتون نے یہ فرمایا

عشق میں ہے تلوار کی تیزی

اور اس دوران میں اٹھ کر

چائے کی پیالی شوہر کو دی

ایک گوشہ بالکل خالی تھا

تم بھی جو آتیں ہم مل رہتے

عشق کا مطلب سب پا جاتے

گو ہم منہ سے کچھ بھی نہ کہتے

ham ik chae ki mez pe a kar

ishq ka qissa le baithe the

har khatun bari komal thi

mard nihayat dil wale the

motabaran shahr mein ik ne

us ko falatuni thahraya

un ki sharik-e-hayat ne us par

tanz se "ji achchha!" farmaya

padriyon mein ik ye bole

ishq gharelu ho na to us se

nazm shikam barham hota hai

ik larki ne puchha "kaise?"

ik khatun ne ye farmaya

ishq mein hai talwar ki tezi

aur is dauran mein uth kar

chae ki piyali shauhar ko di

ek gosha bilkul khali tha

tum bhi jo atin ham mil rahte

ishq ka matlab sab pa jate

go ham munh se kuchh bhi na kahte