رہنے دے یہ طنز کے نشتر اہل جنوں بے باک نہیں

رہنے دے یہ طنز کے نشتر اہل جنوں بے باک نہیں

کون ہے اپنے ہوش میں ظالم کس کا گریباں چاک نہیں

جب تھا زمانہ دیوانوں کا اب فرزانے آئے ہیں

جب صحرا میں لالہ و گل تھے اب گلشن میں خاک نہیں

فتنوں کی ارزانی سے اب ایک اک تار آلودہ ہے

ہم دیکھیں کس کس کے دامن ایک بھی دامن پاک نہیں

موج تلاطم خیر ہیں ہم ساحل کے قریب آتے ہی نہیں

وقت کی رو میں بہہ جائیں ہم ایسے خس و خاشاک نہیں

درد و کرب سے حشر بپا ہونٹوں پہ تبسم ہے اخترؔ

دل کا عالم کچھ بھی رہے آنکھیں تو مگر نمناک نہیں

rahne de ye tanz ke nashtar ahl-e-junun be bak nahin

kaun hai apne hosh mein zalim kis ka gareban chak nahin

jab tha zamana diwanon ka ab farzane ae hain

jab sahra mein lala-o-gul the ab gulshan mein khak nahin

fitnon ki arzani se ab ek ik tar aluda hai

ham dekhen kis kis ke daman ek bhi daman pak nahin

mauj-e-talatum khair hain ham sahil ke qarib ate hi nahin

waqt ki rau mein bah jaen ham aise khas-o-khashak nahin

dard-o-karb se hashr bapa honton pe tabassum hai akhtar

dil ka alam kuchh bhi rahe ankhen to magar namnak nahin