زبان حال سے ہم شکوۂ بیداد کرتے ہیں

زبان حال سے ہم شکوۂ بیداد کرتے ہیں

دہان زخم قاتل دم بدم فریاد کرتے ہیں

سمجھ کر کیا اسیران قفس فریاد کرتے ہیں

توجہ بھی کہیں فریاد پر صیاد کرتے ہیں

عذاب قبر سے پاتے ہیں راحت عشق کے مجرم

پس مرداں جفائیں یار کی جب یاد کرتے ہیں

نہ کہہ بہر خدا تو بندگان عشق کو کافر

بتوں کی یاد میں زاہد خدا کو یاد کرتے ہیں

ذرا صیاد چل کر دیکھ تو کیا حال ہے ان کا

اسیران قفس فریاد پر فریاد کرتے ہیں

بتان سنگ دل کے ہاتھ سے دل ہی نہیں نالاں

برابر دیر میں ناقوس بھی فریاد کرتے ہیں

بناتے ہیں ہزاروں زخم خنداں خنجر غم سے

دل ناشاد کو ہم اس طرح پر شاد کرتے ہیں

ملے لذت جو ایذا سے تو باز آتے ہیں ایذا سے

ستم ایجاد ہیں طرز ستم ایجاد کرتے ہیں

اثرؔ کو دیکھ کر کیا روح کو صدمہ پہنچتا ہے

خدا سمجھے بتوں سے کس قدر بیداد کرتے ہیں

zaban-e-hal se ham shikwa-e-bedad karte hain

dahan-e-zakhm-e-qatil dam badam fariyad karte hain

samajh kar kya asiran-e-qafas fariyad karte hain

tawajjoh bhi kahin fariyad par sayyad karte hain

azab-e-qabr se pate hain rahat ishq ke mujrim

pas mardan jafaen yar ki jab yad karte hain

na kah bahr-e-khuda to bandgan-e-ishq ko kafir

buton ki yad mein zahid khuda ko yad karte hain

zara sayyad chal kar dekh to kya hal hai un ka

asiran-e-qafas fariyad par fariyad karte hain

butan-e-sang dil ke hath se dil hi nahin nalan

barabar der mein naqus bhi fariyad karte hain

banate hain hazaron zakhm-e-khandan khanjar-e-gham se

dil-e-nashad ko ham is tarah par shad karte hain

mile lazzat jo iza se to baz ate hain iza se

sitam ijad hain tarz-e-sitam ijad karte hain

asar ko dekh kar kya ruh ko sadma pahunchta hai

khuda samjhe buton se kis qadar bedad karte hain