رہے ہے روکش نشتر ہر آبلہ دل کا

رہے ہے روکش نشتر ہر آبلہ دل کا

یہ حوصلہ ہے کوئی بلبے حوصلہ دل کا

عبث نہیں ہے یہ وابستۂ پریشانی

کسی کی زلف کو پہنچے ہے سلسلہ دل کا

ہجوم غمزہ و خیل کرشمہ لشکر ناز

عجب سپاہ سے ٹھہرا مقابلہ دل کا

کہوں میں کیا کہ ہوا کیسے بے جگہ مائل

ہے اپنے بخت کا شکوہ نہیں گلہ دل کا

شب فراق نے چھوڑا نہ صبر و تاب شکیب

لگی یہ آگ کہ اسباب سب جلا دل کا

rahe hai rukash nashtar har abla dil ka

ye hausla hai koi balbe hausla dil ka

abas nahin hai ye wabasta-e-pareshani

kisi ki zulf ko pahunche hai silsila dil ka

hujum-e-ghamza-o-khail-e-karishma lashkar naz

ajab sipah se thahra muqabla dil ka

kahon main kya ke hua kaise be jagah mail

hai apne bakht ka shikwa nahin gila dil ka

shab-e-firaq ne chhora na sabr-o-tab-e-shakeb

lagi ye ag ke asbab sab jala dil ka