بزدل

آج اک افسروں کے حلقے میں

ایک معتوب ماتحت آیا

اپنے افکار کا حساب لیے

اپنے ایمان کی کتاب لیے

ماتحت کی ضعیف آنکھوں میں

ایک بجھتی ہوئی ذہانت تھی

افسروں کے لطیف لہجے میں

قہر تھا، زہر تھا، خطابت تھی

یہ ہر اک دن کا واقعہ، اس دن

صرف اس اہمیت کا حامل تھا

کہ شرافت کے زعم کے با وصف

میں بھی ان افسروں میں شامل تھا

aj ik afsaron ke halqe mein

ek maatub mataht aya

apne afkar ka hisab liye

apne iman ki kitab liye

mataht ki zaif ankhon mein

ek bujhti hui zihanat thi

afsaron ke latif lahje mein

qahr tha, zahr tha, khitabat thi

ye har ik din ka waqia, us din

sirf is ahmiyat ka hamil tha

ke sharafat ke zaam ke ba wasf

main bhi in afsaron mein shamil tha